Bıyl egemen el atanyp, táýelsizdik alaǵynymyzǵa 30 jyl. 30 jylda qaz-qaz turyp, táı-táı basqan Qazaqstan álemdik eldermen terezesi teń elge aınaldy. Táýelsizdik alǵan jyldan bastap partııa tóraǵasy, Elbasy Nursultan Ábishuly Nazarbaev elimizdi qıyn kezeńderden óziniń sarabdal saıasatymen alyp shyǵa bildi. Altaı men Atyraýǵa deıin sozylyp jatqan Uly dalamyzdyń shekarasyn shegedep, bekitti. Bul bizdiń keshegi ótken babalarymyzdyń aq bilektiń kúshimen, aq naızanyń ushymen qorǵap, amanattap ketken atamekeni. Osy eldiń bolashaǵyn jarqyn qylý, Táýelsiz Qazaqstannyń Máńgilik el atanýyna kúsh salý búgingi jas urpaq bizdiń qolymyzda.
Táýelsizdik týraly memleket basshysy Qasym-Jomart Toqaev óziniń «Táýelsizdik bárinen qymbat» atty maqalasynda:
…Halqymyzdyń birtýar perzenti Álıhan Bókeıhanov «Ultqa qyzmet etý bilimnen emes, minezden» degen. Biz shynaıy patrıottyq sezimmen rýhtanyp, qasıetti Táýelsizdigimizdi odan ári nyǵaıta túsý úshin birlese jumys isteýimiz kerek. Táýelsiz el bolý ony jarııalaýmen nemese memlekettiń irgetasyn qalaýmen shektelmeıdi. Táýelsizdik úshin naǵyz kúres kúndelikti eńbekpen, úzdiksiz ári dáıekti eldik saıasatpen máńgi jalǵasady. Biz qýatty táýelsiz memleketimizben ǵana ult retinde jer betinde saqtalamyz. Osy aınymas aqıqatty berik ustanýymyz qajet. «Táýelsizdik bárinen qymbat!» degen bir aýyz sóz máńgi uranymyz bolýǵa tıis. Ultymyzdyń uly ustyny – qasterli Táýelsizdigimiz barsha jurtymyzdyń patrıottyq rýhymen asqaqtaı bersin!-degen bolatyn.
«Nur Otan» partııasy Jambyl aýdandyq fılıaly da táýelsizdiktiń 30 jyldyǵyna oraı «30 ıgi is», «Táýelsizdikke -30 jyl» sııaqty jobalar aıasynda partııa fılıalyna kelip, óz máselelerin kótergen azamattarmen jumys atqarýda. Sonyń arqasynda bıylǵy jyldyń alǵashqy 5 aıynda 100-ge tarta otbasyǵa azyq-túlikpen jáne qarjylaı kómek kórsetildi. Aldaǵy ýaqytta bul sharalar óz jalǵasyn tabatyn bolady.
Yqylas Erkinuly Amalbek,
«Nur Otan» partııasy Jambyl aýdandyq fılıaly
birinshi orynbasary
