Qazaqstan premer-ministrınıŋ äkesı Ūzaqbai Mamin qaitys boldy, dep habarlaidy «Adyrna» tılşısı Qazaqstan ükımetınıŋ baspasöz qyzmetıne sılteme jasap.
Ūzaqbai Japarūly 2021 jyly 13 mausymda qaitys boldy. Ūzaqbai Mamin - eŋbek ardagerı, Qazaqstannyŋ qūrmettı qūrylysşysy, Aqmola oblysynyŋ qūrmettı azamaty. Ol 1937 jyly 1 nauryzda Aqmola oblysy, Ereimentau audany, Blagodatnoe auylynda düniege kelgen. Asqar Maminnıŋ äkesı qūrylys salasynda şeber boludan bastap "Selinogradelevatormelstroi", "Selinsantehmontaj" tresterı, Selinograd oblysynyŋ agroönerkäsıptık komitetınıŋ qūrylys keşenı siiaqty bırqatar qūrylys ūiymdarynyŋ basşysyna deiıngı ūzaq eŋbek jolynan öttı. Eren eŋbegı men jūmystaǧy jetıstıkterı üşın Halyqtar dostyǧy jäne "Qūrmet" ordenderımen marapattalǧan. Keiıngı jyldary Nūr-Sūltan qalasynyŋ ardagerler keŋesınde belsendı eŋbek ettı.
«Adyrna» ūlttyq portaly
