Oŋtüstık Koreianyŋ Chedju aralynda 16 kiız üiden tūratyn auyl paida boldy dep habarlaidy "Adyrna" ūlttyq portaly "Habar 24-ke" sılteme jasap.
Aralda zamanaui üiler de bar. Bıraq olardyŋ köbı bos tūrǧanǧa ūqsaidy. Sebebı turisterdıŋ köpşılıgı köşpendı eldıŋ ömırımen tanysqysy kelıp, kiız üilerdı taŋdaityn körınedı.
"Mūnda kiız üiler tūŋǧyş ret tıgıldı. Köptegen turister olardy bırınşı ret körıp otyr. Moŋǧoliia men Qazaqstanda osyndai üiler bar ekenın tek saiahatqa arnalǧan telebaǧdarlamalardan estıp bılgen. Sondyqtan turister tarapynan zor qyzyǧuşylyq bar. Bızdıŋ keşen körkem jerde ornalasqan, barlyq jaǧdai jasalǧan. Sol üşın halyqtyŋ arasynda tanymal dep oilaimyz", - deidı basqaruşy kompaniianyŋ bölım basşysy Kim Son Gi.
Kiız üide tūru baǧasy täulıgıne şamamen 500 dollardy qūraidy. Öŋırde bır bölmenı bes ese arzan jalǧa aluǧa bolatyndyǧyn eskersek, būl qymbat. Al basqaruşy kompaniia bolsa, baǧany ädıl dep sanaidy, öitkenı kiız üide bırden tört adamǧa tūruǧa bolady. Būl somaǧa keluşıler mineraldy sumen toltyrylǧan basseindı jäne kvadrosikldı paidalana alady eken."Osyndai kiız üilerdı jobalau kezınde bız köptegen materialdardy zerttedık. Dizaindy amerikalyq kompaniia jasady. Köptegen qonaqtar būl dästürlı moŋǧol tūrǧyn üiı dep oilaidy. Al bız olarǧa būl Ortalyq Aziianyŋ kiız üilerı dep jauap beremız. Men özım Qazaqstanda bolǧan emespın. Bıraq men qazaqtardyŋ bızge öte ūqsas ekenın bılemın. Onda koreilerdıŋ üş ūrpaǧy tūrady. Geografiialyq jaǧynan öte alys bolǧanymen, tılımız ben syrtqy kelbetımız ūqsas. Ertede bız bır halyq bolǧan şyǧarmyz", - deidı basqaruşy kompaniianyŋ aǧa menedjerı Kim Dje Sin. Qazır kiız üidı tabys közıne ainaldyryp otyrǧan kompaniia endı as mäzırıne qazaqtyŋ ūlttyq taǧamdaryn qosudy oilap otyr. Sonymen qatar, qazan aiynan bastap būl auylǧa keluşıler atqa mınıp, ekzotikalyq taǧamdardan däm tata alady.
"Adyrna" ūlttyq portaly.
