Ūlttyq bıryŋǧai testıleuge (ŪBT) tört talapkerdıŋ ornyna elordalyq ekı joǧary oqu ornynyŋ studentterı kırmek bolǧan. Jasöspırımderdıŋ būl äreketı mektep tülekterın ŪBT-ǧa kırgızu kezınde Face-ID jüiesı arqyly äşkere boldy, dep habarlaidy «Adyrna» ūlttyq portaly.
Bılım jäne ǧylym ministrlıgı studentterdıŋ mektep oquşysynyŋ ornyna kıru üşın jalǧan qūjattar jasaǧandaryn habarlady.
Tūlǧany sifrlyq säikestendıru Face-ID jüiesı biyl ŪBT tapsyratyn barlyq ortalyqta engızılgen bolatyn. Osy jüienıŋ arqasynda atalǧan zaŋ būzuşylyqtar anyqtaldy.
«Baǧdarlama tıptı egızderdı de anyqtai alady. Ūlttyq testıleu ortalyǧynyŋ qyzmetkerlerı ŪBT tapsyru kezınde zaŋ būzuşylyqtardy qalai anyqtau kerek ekenın jaqsy bıledı. Testıleuge öz ornyna bögde adamdy kırgızbek bolǧandardyŋ arasynda «Altyn belgı» iegerı de bar», - dedı Ūlttyq testıleu ortalyǧy direktorynyŋ mındetın atqaruşy Naujan Didarbekova.11 synyp tūlekterı men olardyŋ ornyna test tapsyrmaq bolǧandar turaly aqparat qūqyq qorǧau organdaryna jıberıldı. Olarǧa qatysty Qazaqstan Qylmystyq kodeksınıŋ 385-baby 2-bölıgı (jalǧan qūjattardy, mörtaŋba, mörlerdı, blankılerdı qoldan jasau, daiyndau nemese ötkızu) boiynşa qylmystyq ıs qozǧaldy.
"Adyrna" ūlttyq portaly
