Memleket basshysymen Qazaqstan halqyna sońǵy Joldaýynda kásipkerlik qyzmetke zańsyz aralasýǵa jol bermeý týraly talaptar atap ótildi. 2020 jylǵy 1 qańtardan bastap Prezıdenttiń Jarlyǵymen shaǵyn jáne mıkrokásipkerlik sýbektilerin tekserýge 2023 jylǵy 1 qańtarǵa deıingi merzimge tekserýler men profılaktıkalyq baqylaý júrgizýge moratorıı jarııalandy.
Moratorıı jarııalanǵan sátten bastap Almaty oblysynyń prokýratýra organdarymen kásipkerlik sýbektileriniń qyzmetinde zańsyz tekserýler men profılaktıkalyq baqylaýdyń ózge de nysandaryn júrgizýdiń 244 faktisin, onyń ishinde moratorıı talaptaryn buza otyryp, 128 faktini anyqtady.
Mysaly, ótken jyly Eńbekshiqazaq aýdany Memlekettik kirister basqarmasy qyzmetkeri azyq-túlikti bólshek saýdada ótkizý dúkeniniń qyzmetin aralap, tekserdi. Laýazymdy tulǵaǵa qatysty aýdan prokýrorymen QR ÁQBtK-niń 175-baby boıynsha ákimshilik is qozǵaldy jáne sot qaýlysymen kináli tulǵa ákimshilik jaýapkershilikke tartyldy.
Taǵy bir jaǵdaı, 2020 jyly Qapshaǵaı qalasynyń Ishki ister organdarymen terrorıstik turǵydan osal obektilerge qoıylatyn talaptardyń oryndalýy turǵysynan eki shaǵyn kásipkerlik sýbektisi tekserildi. Bul rette, bıznes sýbektileri mundaı obektilerdiń tizbesine kirmegen. Qadaǵalaý aktisi boıynsha zańsyz tekserýlerdiń nátıjeleri joıyldy, kináli adamdar jazalandy.
Aǵymdaǵy jyly polıııa qyzmetkerleri monıtorıngtik toptardyń qyzmetine syltaýmen kafe, meıramhanalardyń qyzmetinde karantındik shekteýlerdiń zańdylyǵynyń saqtalýyna jeke-dara tekserý júrgizdi. Al polıııa organdary mundaı tekserýlerdi tek monıtorıngtik toptardyń quramynda ǵana júrgizýge tıis. Qadaǵalaý aktileri boıynsha 18 kásipker ákimshilik jaýapkershilikke tartylýyna jol berilmedi, kináli polıeıler tártiptik jazaǵa tartyldy.
Zańsyz tekserýler men profılaktıkalyq baqylaýdyń ózge de nysandary faktilerine basqa memlekettik baqylaý organdary tarapynan da jol berilgen. Barlyq anyqtalǵan faktiler boıynsha prokýrorlyq den qoıý sharalary qabyldandy, bıznestiń buzylǵan quqyqtary qalpyna keltirildi.
Almaty oblysynda kásipkerlerdiń quqyqtarynyń buzylýyna der kezinde den qoıý maqsatynda bıznesti qorǵaý jónindegi mobıldi toptar qurylyp, jumys isteýde, olardyń baılanys telefondary oblys prokýratýrasynyń saıtynda ornalastyrylǵan.
