Būl - Qazaqstannyŋ joǧary bılım beru tarihynda būryn-soŋdy bolmaǧan oqiǧa. M.S. Närıkbaev atyndaǧy KAZGUU Universitetı Ortalyq Aziia boiynşa alǧaşqy bolyp CFA®-de moiyndaldy jäne bakalavriat pen magistratura baǧdarlamasy boiynşa atalǧan instituttyŋ ärıptestık baǧdarlamasyna qatysuşy atandy. İnstituttyŋ ärıptestık baǧdarlamasy qatysuşylary arasynda AQŞ, Ūlybritaniia, Kanada, Qytai, Avstraliia, Gonkong jäne Europa, Aziia elderınıŋ bırqatar bedeldı universitetı bar.
Bılım beru baǧdarlamasynyŋ mazmūnyn tereŋ taldai kele, İnstitut sarapşylary KAZGUU-dıŋ «Qarjy» bakalavriaty baǧdarlamasynyŋ mazmūny CFA (CBOK) emtihandary baǧdarlamasynyŋ taqyryptarynyŋ kemınde 70 paiyzyn qamtitynyn atap öttı.
«Osy uaqytqa deiın bız bakalavriat deŋgeiıne arnalǧan CFA Institute (UAP) serıktestık baǧdarlamasy boiynşa moiyndalǧan alǧaşqy qazaqstandyq universitet retınde tanyldyq. Endı bız Ortalyq Aziiada magistr jäne bakalavr därejelerı boiynşa moiyndalǧan jalǧyz universitetpız. Qarjy naryqtary men deldaldar — Qazaqstanda jäne öŋırlerde öte jyldam damyp kele jatqan jäne zor ümıt küttıretın sala. Sondyqtan qarjy baǧdarlamasynda oqityn bolaşaq tülekterımız jergılıktı eŋbek naryqtarynda sūranysqa ie jäne qyzmet joly tabysty bolady dep senımmen aita alamyz. Sonymen qatar älemdegı eŋ bedeldı käsıbi sertifikattardyŋ bırı olardy halyqaralyq eŋbek naryǧynda bäsekege qabılettı etedı, öitkenı myqty studentter SFA emtihanyn ötuge stipendiia ala alady», - dep atap öttı KAZGUU Ekonomika joǧary mektebınıŋ direktory Säule Kemelbaeva.
* CFA Institute - 1963 jyldan bastap jūmys ısteitın investisiia salasyndaǧy käsıpqoilardyŋ jahandyq qauymdastyǧy, qarjy salasyndaǧy eŋ bedeldı sertifikasiia. Öitkenı atalǧan sertifikasiiaǧa ie adamdar (holders) älemde, äsırese Qazaqstanda da az. Būl ūlttyq jäne halyqaralyq kompaniialarǧa jūmysqa ornalasuǧa bıregei mümkındık ūsynatyn öte kürdelı jäne keŋ qūzyrettı sertifikattau kompaniiasy. Atalǧan baǧdarlama bükıl älemdegı qarjy taldauşylary men konsultanttarynyŋ jäne basqa da investisiialyq mamandardyŋ daǧdylary, adaldyǧy men qūzyrettılıgınıŋ standarttaryn belgıleidı.
M.S. Närıkbaev atyndaǧy KAZGIýU
Universitetınıŋ baspasöz qyzmetı 8 7172 (70-30-42)
