«Aq jol»: UBT tapsyrý kezinde balalar qashyqtyqtan oqytýdaǵy olqylyqtar úshin zardap shekpeýi kerek. Tıisti depýtattyq saýaldy depýtat Serik Erýabaev Májilistiń jalpy otyrysynda joldady.
QR Premer-Mınıstriniń orynbasary
E.L.Toǵjanovqa
Aǵymdaǵy jyly mektep túlekteri Ulttyq Biryńǵaı Testini jańa formatta tapsyrýda. Beınekameralardy ornatý jáne "proktorıng" júıesiniń arqasynda bilim mınıstrligi testileý proesin ashyq túrde ótkizýde.
Sonymen qatar, bıyl túlekter qajet bolǵan jaǵdaıda testini qaıta tapsyrýǵa múmkindik aldy.
Munyń bári jaqsy jáne durys sharalar, biraq ata-analar UBT-ny qaıta tapsyrý merziminiń belgisizdigine baılanysty depýtattarǵa júgindi.
Belgili bolǵandaı, bul merzim normatıvti túrde anyqtalmaǵan, tek aýyzsha tamyz aıynyń sońy dep ataldy.
Ótken oqý jyly qashyqtyqtan oqytý jáne osyǵan baılanysty stresstik jaǵdaılar, túlekter kórsetkishteriniń nasharlaýyna yqpal etkenin atap ótken jón.
Mysaly, tek 15 maýsymdaǵy testileýde 160 myńǵa jýyq testilenýshiniń 60 myńnan astamy nemese 40% paıyzy shekti eńsere almaǵan, al 1200-ge jýyq túlek testileýge múldem jiberilmegen.
Sonymen birge, kolledj túlekteri men UBT-ny tapsyrǵysy keletin basqa da talapkerler turǵylyqty jeri boıynsha testileý ortalyqtaryndaǵy oryndardyń tapshylyǵyna baılanysty qıyndyqtarǵa tap bolady.
Bul balalardyń kópshiligi mektepte jaqsy kórsetkishterge ıe boldy jáne testtiń nashar nátıjelerin óte aýyr qabyldady. Otbasylardyń kópshiligi memlekettik organdardy, qashyqtyqtan oqytýdyń tómen sapasyn kináláp, narazalyq bildirýde.
Mundaı shaǵymdar úshin obektıvti negizder bar ekenin moıyndaý kerek.
Sonymen qatar, kóptegen ata-analar balalarynyń osy alǵashqy úlken sátsizdikke reakııasy týraly alańdaýshylyq bildirýde. Keshegi sátti jáne úmitke toly túlekter, emoıonaldy kúızelisti sezinedi, ata-analary men tabysty synyptastarynyń aldynda uıatqa qalýda.
Ótken jyldardyń statıstıkasyna súıensek, qansha túlek stresske tótep bere almaı, tótenshe sharalarǵa bardy. Qudaı saqtasyn odan.
Sonymen birge, bul balalar qylmysker emes jáne qoǵam aldynda eshqandaı kináli emes.
Laıyqty bilim alýǵa jáne ómirde jetistikke jetýge degen nıetteri bar jastarymyzdy tabandylyqpen jigerlendirgen durys bolar edi.
Tarıhta alǵashqy emtıhandy sátsiz aıaqtaǵan, biraq ómirde úlken bıikterge jetken tabysty memleket qaıratkerleri men kásipkerlerdiń kóptegen mysaldary bar. Aıta ketsek, álemdegi eń baı adamdardyń biri "Alı baba" Dúnıejúzilik saýda ınternet júıesin jasaýshy Djek Ma - 10 ret (!) ýnıversıtetke túsý emtıhandaryn tapsyra almapty.
Al uly ǵalym, salystyrmalyq teorııasynyń avtory Albert Eınshteın, mektepte topas oqýshy dep eseptelgen.
Iá, keıbir balalardyń talantyn, kópshilik júre bara baıqaıdy. Alysqa barmaı-aq, óz maqtanyshymyz Dımash Qudaıbergen de soǵan aıqyn dálel.
Sondyqtan bizdiń túlekterimizdiń aldynda esik jabýdyń qajeti joq. Olardyń arasynda bolashaq ǵulamalar men áıgili azamattar bar bolýy múmkin.
Sonymen qatar, eger UBT-ny qaıta tapsyrý tamyz aıyna taǵaıyndalsa, ol talapkerlerdi jazǵy demalystan aıyrady. Kúsh pen emoııany qalpyna keltirýdiń ornyna, olar barlyq jaz aılarynda oqýlyqtardy burmalap, tapsyrmalardy oryndaıdy.
Keıbir otbasylar eldegi jaǵdaıdyń jaqsarýyn paıdalanyp, jazǵy demalysqa joldama satyp aldy. Endi olardyń balalary belgisizdikke tap bolady, sondyqtan ata-analar olardy osyndaı kóńil-kúıde jalǵyz qaldyrýǵa bata almaı, demalystan bas tartýǵa májbúr bolady.
Kóptegen sheteldik joǵary oqý oryndary bizdiń túlekterimizdi UBT-syz, óz erejeleri boıynsha qabyldaıtynyn da eskerý qajet. Qaıta tapsyrýdyń alshaqtaýynyń áseri, keıbir talapkerlerdiń Qytaı, Latvııa, Chehııa, Vengrııa, Ýkraına jáne taǵy basqa elderdiń ýnıversıtetterine túsýge májbúrleıdi. Reseıdiń birqatar joǵary oqý oryndary jyldyń basynan, eń jaqsy oqýshylardy shaqyra bastady, sol sebepti myńdaǵan daryndy balalar Qazaqstannan UBT-ǵa deıin ketedi.
Osylaısha, biz UBT-ny qaıta tapsyrýdyń keshiktirýi eshteńemen negizdelmegen jáne aıqyn táýekelderge alyp keledi dep esepteımiz.
Osyǵan baılanysty, qurmetti Eraly Luqpanuly, sizden shuǵyl túrde bilim mınıstrligine qaıta testileýdi qysqa ýaqyt ishinde uıymdastyrýdy jáne osy máseleni jeke baqylaýǵa alýdy tapsyrýyńyzdy suraımyz.
Qurmetpen,
«Aq jol» frakııasynyń depýtattary
