WhatsApp messendjerınde «Habar» telearnasynyŋ jaŋalyqtar şyǧarylymynan üzındı taralyp jatyr. Jürgızuşıler 20 jäne 21 mausymda elde karantindık şaralar küşeitıletının, ırı sauda üilerınıŋ jūmysyna jäne qalalyq kölık qozǧalysyna tyiym salynatynyn mälımdegen, dep habarlaidy Stopfake.kz.
Şyn mänınde, būl siujet byltyr jaz mezgılınde 18 mausymda jariialanǧan.
https://youtu.be/HfnP8gVeTCg
Rolikte aitylǧan aqparat bügınde özektı emes. Eldegı epidemiologiialyq jaǧdai jaqsaryp kele jatqandyqtan, aldaǧy uaqytta karantin şaralaryn qataŋdatu josparlanbaǧan.
«Qazaqstandaǧy jaǧdai tūraqty jäne bügınde karantin şaralaryn qataŋdatu mäselelerı köterılgen joq», - dedı sanitarlyq-epidemiologiialyq baqylau komitetınıŋ resmi ökılı Erjan Baitanaev.Bügınde KVİ syrqattanuşylyq deŋgeiı boiynşa Nūr-Sūltan qalasy ǧana «qyzyl aimaqta» tūr. Atyrau, Batys Qazaqstan jäne Qaraǧandy oblystary «sary» aimaqta. Qalǧan öŋırler «jasyl» aimaqta.
"Adyrna" ūlttyq portaly
