Atyrauda «jaŋa tuǧan säbidı mūzdatqyşqa salyp öltırdı» degen aiyppen sottalǧan därıgerlerdıŋ ısı qaita qaraluy mümkın. Sottalǧandardyŋ jaŋa advokaty Nūrlan Jolbolovtyŋ aituynşa, onyŋ qolynda aq halattylardyŋ kınäsızdıgın däleldeitın derek köp. Bügın Nūr-Sūltan qalasynda osy mäselege qatysty baspasöz konferensiiasy öttı, dep mälımdedı azattyq-ruhy.kz.
Baspasöz jiynynda alǧaşqy bolyp söz söilegen akuşer-ginekolog Zoia An närestenıŋ ölı küiınde tuylǧanyna senımdı.
«Ūryq ölı tuylǧan dep aituǧa tolyq negız bar, öitkenı balanyŋ jatyr qabyrǧasynan merzımınen būryn tolyq bölınuı bolǧan. Sonymen qatar, mälımetter boiynşa, bosanu qyzmetınıŋ bastaluymen bosanǧanǧa deiın ūryqtyŋ qozǧaluy men jürek soǧuynyŋ bolmauy baiqalǧan, mūny bosanǧan äieldıŋ özı de rastady», - dedı Qazaqstan akuşerlerı men neonatologtary kongresı QQ sarapşysy Zoia An.Mamandardyŋ keltırgen derekterıne süiensek, aiaǧy auyr kelınşek Atyrau qalasyndaǧy emhanalardyŋ bırınde esepke tūryp, därıgerdıŋ qarauynda bolǧan. Jükıtılık kezınde ol bes märte ultrodybystyq zertteuden ötıp, soŋǧy üşeuınde jüktılıktıŋ patologiialary baiqalǧan eken.
«Jüktılıktıŋ 24-25-aptasynda pasient ışınıŋ tömen jaǧy auyratynyna şaǧym jasap, jedel-järdem qyzmetın şaqyrǧan. Osylaişa, bala merzımınen būryn - 25-26 apta aralyǧynda erte tuylǧan, dene salmaǧy 800 grammdy qūrady. Sonymen qatar, şala tuylǧan närestenıŋ bauyry tiıstı salmaǧynan 10 esege ülken (200 gramm) jäne terıs ornalasqan eken. Jürek te öz normasynan 2-2,5 esege ülken bolǧan. Būl qūrsaqtan tys ömırge säikes kelmeidı. Ūryq köptegen aqaularǧa, sudyŋ jetıspeuşılıgıne, plasenta problemalaryna bailanysty ömırge qabıletsız boldy jäne būl erte bosanudyŋ sebebı boldy», - deidı Zoia An.Mamandar «säbidıŋ tırı tuyluy mümkın edı, bıraq mūndai potologiialarmen ol anasynan ajyraǧan sätte bärıbır köz jūmady» degendı alǧa tartyp otyr. Konferensiiaǧa onlain qatysqan täuelsız sot-medisinalyq sarapşysy Tahir Halimnazarov saraptama jūmystarynyŋ nätijelerı bır-bırımen bailanyspaityndyǧyn aitady.
«Batys Qazaqstan oblysynda jürgızılgen sot-medisinalyq saraptama şala tuǧan närestenıŋ ölımı ışkı aǧzalardyŋ jetılmegendıgınen tuyndap, tynys alu jetkılıksızdıgıne äkep soqtyrdy degen qorytyndy berdı. Al olardyŋ Qaraǧandydaǧy sarapşy ärıptesterı jasaǧan qorytyndy boiynşa ölım mūzdatqyştaǧy tūiyq keŋıstıkte oryn alǧan. Ekı qorytyndy ärtürlı jäne ekeuı de şyndyqqa janaspaidy», - deidı täuelsız sot-medisinalyq sarapşy, QR Sot sarapşylarynyŋ respublikalyq palatasynyŋ müşesı Tahir Halimnazarov.Nūrlan Jolbolovtyŋ aituynşa, Atyrau oblystyq sybailas jemqorlyqpen küres qyzmetınıŋ BAQ ökılderıne bergen aqparattary qoǧamda terıs pıkır qalyptasuyna yqpal eken.
«Sot öz kezegınde jasandy türde jasalǧan qoǧamdyq pıkırge qarsy kelgısı kelmei, barlyq ıstı bastaǧan küş qūrylym qyzmetkerlerıne tiımdı ükım şyǧardy. Osyǧan orai, ädılettılıkke qol jetkızu üşın bız qazır Atyrau oblystyq sotyna apelliasiialyq şaǧymymyzdy jazdyq. Jalpy, ıs boiynşa ondaǧan öreskel zaŋbūzuşylyqtar bar. Mysaly, Nysanbaevtan tergeudıŋ barlyq kezeŋınde eşqaşan jauap alynbaǧan, sol arqyly ol qorǧalu konstitusiialyq qūqyǧynan aiyrylǧan», - dedı Nūrlan Jolbolov.Sot ükımı şyqpas būryn äleumettık jelılerde därıgerlerdıŋ telefon arqyly söilesken audiojazbasy taraǧan bolatyn. Alaida qorǧauşy atalǧan audionyŋ montajdalǧanyna senımdı.
«Advokattar sottyŋ bırınşı instansiiasynda aiyptauşy taraptan sotqa audiojazbanyŋ bırınşı derekközın ūsynudy sūrady. Alaida ıs jüzınde eşqandai derekközı bolmady. Sondai-aq, 2 jarym minutyq audionyŋ tek 1 jarym minuty ǧana ūsynyldy. Iаǧni därıgerlerdıŋ şyn mänısınde ne turaly söileskenı kümändı aqparatqa jatady. Bızdıŋ oiymyzşa, būl jerde montaj jasalǧan. Menıŋ qorǧauymdaǧy azamattar da osyny aityp otyr. Bız būl audioǧa saraptama jasau üşın sotqa ötınış bıldırdık, bıraq ol qabyldanǧan joq», - dedı advokat.Atyrau oblystyq perinataldyq ortalyǧynyŋ būrynǧy bas därıgerı Quanyş Nysanbaev pen ortalyqtyŋ akuşer-ginekology qyzmetın atqarǧan Qaiyrjan Asqardyŋ advokaty tergeu barysynda öreskel būzuşylyqtar bolǧanyn aitty.
«Bızdıŋ qolymyzda saraptamalyq jūmystardyŋ bırınde mäiıttıŋ auystyrylǧanyn däleldeitın derekter bar. Komissiianyŋ jasaǧan bırınşı saraptamasy därıgerlerdıŋ paidasyna tidı. Öitkenı, ol jerde säbidıŋ aua jetıspeuşılıgınen qaitys bolǧandyǧy aityldy. Al ekınşı saraptamada «şaqalaq toŋazytqyş kamerasyna salynǧandyqtan köz jūmdy» degen mälımet keltırıldı. Alaida qorǧauşy tarap eksgumasiia kezınde basqa mäiıttıŋ alynǧandyǧyna senımdı. Tiısınşe saraptama bögde mäiıtke jasaldy», - dedı Nūrlan Jolbolov.Osylaişa atalǧan ıske qatysty Atyrau oblystyq soty apelliasiialyq şaǧymdy 21 mausym künı offlain rejimde qaramaq. Aiyptaluşy tarap sotqa materialdy qaita tergeu jönınde ötınış bermek. Eske sala keteiık, perinataldyq ortalyqtyŋ būrynǧy bas därıgerı Quanyş Nysanbaev 18 jylǧa, akuşer-ginekolog Asqar Qaiyrjan 16 jylǧa, akuşer Jämila Qūlbatyrova 15 jylǧa bas bostandyǧynan aiyryldy.
