Atyrau, Aqtöbe jäne Aqtau garnizondary äskeri bölımderınıŋ üzdık äskeri qyzmetşılerı ofiserlık köpsaiys jäne tabeldık qarudan oq atu boiynşa synǧa tüstı.
Jarysqa “Batys” öŋırlık qolbasşylyǧyna qarasty äskeri bölımderdıŋ bes komandasynyŋ qūramynda 60-qa juyq äskeri qyzmetşı qatysty.
Chempionatqa qatysuşylar özderınıŋ sporttyq bılıktılıkterıne säikes üş jasqa bölındı: 30 jasqa deiın, 30 jastan 40 jasqa deiın jäne 40 jastan joǧary jas sanaty boiynşa. Soǧan säikes jas sanattarynyŋ distansiialary da är türlı. Nätijesınde 280 ūpaidan joǧary körsetkışke qol jetkızgen äskeri qyzmetşılerge “Sport şeberı( ataǧy berıledı, – dedı öŋırlık qolbasşylyq äskerlerı qolbasşylyǧynyŋ jauyngerlık daiarlyq bölımınıŋ aǧa ofiserı maior Medet QūlybekovÄr ofiserdıŋ triatlon komandasynyŋ qūramynda bes adam qarastyrylǧan, olar Makarov tapanşasynan jäne Kalaşnikov avtomatynan oq atu, 300, 200 jäne 100 metrge erkın jüzu, 3000, 2000 jäne 1000 metrge jügıru boiynşa jarysty. Qyzmettık qarudan atu boiynşa jarysta 3 adamnan qūralǧan komandalar qatysty. Atys ekı kezeŋnen tūrdy: būl PM-3 jattyǧuy – Makarov jüiesındegı tapanşadan atu jäne AK-3 jattyǧuy – Kalaşnikov avtomatynan atu. Chempionattyŋ qorytyndysy boiynşa ofiserlık triatlonnan bırınşı komandalyq oryndy Aqtöbe garnizonynyŋ komandasy ielendı, Aqtau garnizonynyŋ teŋız jaiau äskerı qyzmetşılerı tabeldık qarudan oq atu boiynşa üzdık atandy. Almaty qalasynda ötetın Qaruly Küşterdıŋ chempionatyna qatysatyn jeŋımpazdardan “Batys” öŋırlık qolbasşylyǧynyŋ komandasy qūrylady.
