Almatyda Ūlttyq Olimpiada komitetınıŋ prezidentı Timur Qūlybaev Aziia jeŋıl atletika qauymdastyǧynyŋ prezidentı Dahlan Al-Hamadty qabyldady, dep habarlaidy "Adyrna" ūlttyq portaly Qazaqstan Respublikasynyŋ ŪOK-ǧa sılteme jasap.
Otyrysqa Qazaqstan Respublikasy Jeŋıl atletika federasiiasynyŋ prezidentı Danial Ahmetov te qatysty.
"Jeŋıl atletika - eŋ tanymal sport türlerınıŋ bırı. Qazaqstannyŋ jeŋıl atletikalyq bai dästürlerı bar. Sondyqtan būl sport türın damytu bız üşın basym baǧyttardyŋ bırı bolyp tabylady. Qazaqstannyŋ Ūlttyq Olimpiada komitetı Aziia jeŋıl atletika qauymdastyǧymen jäne basqa halyqaralyq ūiymdarmen yntymaqtastyq üşın - aşyq", dedı Timur Qūlybaev.Aimaqta jeŋıl atletikanyŋ damu perspektivalary, Nūr-Sūltanda öŋırlık jeŋıl atletika ortalyǧyn qūru jobasy jäne 2024 jyly Qazaqstanda jeŋıl atletikadan älem chempionatyn ötkızu mümkındıgı talqylandy.
"2022 jyly Qazaqstanda jeŋıl atletikadan Aziia chempionaty ötedı. Aimaqtyŋ 45 elınen 600-den astam sportşy qatyspaq. Būl oqiǧa 2024 jylǧy älem chempionaty aldyndaǧy synaq oqiǧasy boluy kerek. Men Qazaqstanda olimpiadalyq sport türlerı qalai qarqyndy damyp kele jatqanyn köremın. Sızdıŋ sporttyq ǧimarattardy saluǧa degen közqarasyŋyz maǧan erekşe äser qaldyrdy. Nūr-Sūltandaǧy Qazaqstan keşenı - men būryn-soŋdy körmegen erekşe ǧimarat", dep bölıstı Dahlan äl-Hamad.Aziia jeŋıl atletika qauymdastyǧynyŋ prezidentı Qazaqstanǧa XXX Qosanov Memorial halyqaralyq turnirınıŋ aşyluyna keldı. Mereitoilyq turnir Düniejüzılık jeŋıl atletika kontinentaldy tury aiasynda qola belgısı märtebesımen ötkızıledı. Tokiodaǧy Olimpiada oiyndaryna lisenziialar oinatylady.
"Adyrna" ūlttyq portaly
Ūqsas jaŋalyqtar
