Maŋǧystau oblysynda malmen ǧana kün körıp otyrǧan Qyzan men Aqşymyrau auylynynyŋ tūrǧyndaryna quaŋşylyqtyŋ kesırı qatty tiıp otyr.Tūrǧyndar maldy aman alyp qaluǧa 204 miliion teŋgenıŋ özı azdyq etetının aitady, dep habarlaidy 31 arna.
Bız tūrǧan myna Qyzan auylynda 2 myŋǧa juyq halyq bar. Osy auyldyŋ tūrǧynynyŋ bärı qazır tek qana malmen küneltıp otyr. Al öŋırdı jailaǧan quaŋşylyq bükıl maŋǧystaulyqtardyŋ basty mäselesıne ainaldy. Basqa öŋırden jetkızılgen qymbat şöptı de jep semırıp jatqan joq.
“Malymdy aman alyp qalam dep. Basy-közıne qaramai, pensiiasyn, aqşasyn soǧan salyp, küneltıp jasap jatyr. Öletını ölıp jatyr dalada”, – dedı Qyzan auylynyŋ tūrǧyny Älımbai Amanov72 jyl boldy bırınşı ret kördım mynadai quaŋşylyqty. Jūtty körgenımız joq edı. Quaŋşylyq, joqşylyq bärı qat-qabat bolyp tūr ǧoi”, – dedı tūrǧyn Balatöre Altybaev. Būǧan deiın auyl şaruaşylyǧy ministrlıgı Maŋǧystau öŋırındegı maldardy aman alyp qaluǧa 204 million teŋge qarajat bölıngenın aitqan edı. Sol aqşa esebınen Maŋǧystau, Tüpqaraǧan, Mūnaily, Qaraqiia audany men Jaŋaözen qalasynyŋ är qaisysyna 130 tonna arpa jetkızılgen. Alaida kömek şalǧaidaǧy şarualarǧa timeptı. Auyl äkımı oblys äkımdıgınen bölıngen qarajatqa alynatyn jem-şöptı jetkızu üşın ötınım jıberıp qoiǧanyn aitady. Mal azyǧyn tasymaldaumen ainalysyp jatqan öŋırdegı «Kaspii» äleumettık käsıpkerlık korporasiiasy tauardy tek audan ortalyqtaryna ǧana jöneltıptı. Alaida audan ortalyǧynan 110 şaqyrym jerde ornalasqan Qyzan auylynyŋ tūrǧyndaryna ony özdıgınen tasu qiyn.
“Bız endı halyqtan kerek adamdardyŋ tızımın şyǧaramyz. Soǧan bailanysty audandyq auyl şaruaşylyq bölımıne ūsynysymyzdy tüsıremız şöp kerek dep”, – dedı auyl äkımı Qonai Süleimenov.Al auyl şaruaşylyǧy ministrlıgı öŋırdegı jaǧdaidy jergılıktı äkımdık uaqytynda habarlamaǧandyqtan qazırgı ahualdyŋ qiyndaǧanyn aitady. Q
“Ölgen malǧa qarjy qarastyrylmaidy. Tek qazır bar maldy saqtauǧa qarajat bölınedı. Audandyq äkımdıkter quaŋşylyq jönınde erterek habarlamady. Jaǧdai uşyqqanşa kütpeu kerek edı”, – dedı auyl şaruaşylyǧy ministrlıgı departament direktorynyŋ orynbasary Qairat Mutaev.Qyzan auylynda qūrǧaq jerden azyq tappai qyrylyp qalǧan maldan qalǧany 5500 jylqy, 2700 tüie, 13 myŋ qoi men eşkı. Endı qalǧan maldy saqtap qalu üşın şalǧaidaǧy şarualar ükımetten qoljetımdı baǧada jem men şöptı auylǧa deiın tasymaldaudy ūiymdastyruyn sūraidy. Eske sala keteiık, Maŋǧystau oblysynda aştyqtan qūr süiegı qalǧan jylqylardyŋ suretterın Facebook qoldanuşysy Berdımūrat Törekenov tüsırgen bolatyn. Maŋǧystau oblysynyŋ bırneşe auylynda jylqylar joiylu aldynda tūr. Biyl jauyn-şaşyn bolmaǧandyqtan, jaiylymdar keuıp qalǧan, jylqy azyǧynyŋ jetıspeuınen ony tamaqtandyratyn jem qalmaǧan.
