Halyqaralyq dzıýdo federaııasy olımpıadalyq reıtıngke sáıkes Tokıodaǵy Jazǵy Olımpıada oıyndaryna joldama alǵan dzıýdoshylar tizimin jarııalady dep habarlaıdy «Adyrna» tilshisi Olympic.kz-ke silteme jasap.
Olımpıadalyq reıtıngke sáıkes alty qazaqstandyq dzıýdoshy lıenzıattar qataryna engen. Atap aıtar bolsaq, 60 kelide Eldos Smetov pen Ǵusman Qyrǵyzbaev, 66 kelide Erlan Serikjanov pen Eldos Jumaqanov, 73 kelide Jansaı Smaǵulov, 90 kelide Islam Bozbaev, áıelder arasynda 48 kelide Otgoneeg Galbadrah olımpıadalyq reıtıngte tıisti upaı jınaǵan. Al 81 kelidegi Dıdar Hamzaǵa qurlyqtyq kvota berildi.
Joldama dzıýdoshylardyń Olımpıadalyq reıtıngtegi oryndaryna sáıkes úlestirildi. Ózderińiz biletindeı, dzıýdodan Olımpıada oıyndaryna olımpıadalyq reıtıngte úzdik 18 sportshy joldama alady. Dzıýdoshylar 2018 jyldyń 25 mamyrynan Halyqaralyq dzıýdo federaııasynyń kúntizbesine sáıkes reıtıngtik jarystarda upaı jınady.
- Bir salmaq dárejesinde birneshe sportshy úmitker bolǵanymen, shart boıynsha kimde upaı kóp, sol sportshyǵa tórt jyldyqtyń basty básekesine qatysýǵa múmkindik beriledi. Máselen, erler arasynda 60 kelide Eldos Smetov negizgi úmitker bolsa, Ǵusman Qyrǵyzbaev qosalqy tizimde, 66 kelide Erlan Serikjanov negizgi tizimge ense, dál osy salmaqta Eldos Jumaqanov qosalqy tizimge engen. Qazaqstan sapynan Tokıo Olımpıadasyna qatysatyn quram olımpıadalyq reıtıngke sáıkes jaqyn arada belgili bolady, - deıdi bas bapker Ǵalymjan Jylgeldıev.
Otandyq dzıýdoshylar 2018 jyldyń 25 mamyrynan bastap túrli halyqaralyq syndarda baq synap, reıtıngtegi jaǵdaıyn jaqsartqan bolatyn. Nátıjesinde, olımpıadalyq reıtıng boıynsha lıenzııaǵa ıe bolǵan sportshylar esimi anyqtaldy. Alaıda, tórtjyldyq dodasyna ár elden tek bir sportshynyń qatysatynyn esterińizge salamyz. Dzıýdoshylar Olımpıada oıyndarynda barlyǵy 14 salmaq ( erler - 7, áıelder -7) boıynsha ózara myqtyny anyqtaıdy. Úsh jyl kóleminde bes qurlyqtaǵy 110 memlekettiń sportshylary Olımpıada arenasynda baq synaý úshin ter tókti.
Alǵashynda irikteý kezeńi 2020 jyldyń maýsymynda aıaqtalýy tıis bolatyn. Keıin 2021 jyldyń maýsymyna deıin jalǵasyp, Vengrııadaǵy álem chempıonatynan keıin upaılar esepke alyna bastady. Osylaısha Tokıo tatamıinde synǵa túsetin sportshylar esimi jarııalandy.
«Adyrna» ulttyq portaly
