Qazaqstanda kolledjderge qūjat qabyldau 2021 jyldyŋ 25 mausymynda bastalady. Qabyldau räsımı jaŋa erejeler boiynşa jürgızıledı. Sonymen qatar tegın bılım alǧysy keletınder üşın kvotalar tızımı keŋeitıldı. Būl jaŋaşyldyqtar turaly vedomstvonyŋ Facebook-tegı resmi paraqşasynda QR BǦM Tehnikalyq jäne käsıptık bılım departamentınıŋ direktory Nasymjan Ospanova aityp berdı.
Biyl pedagogikalyq, medisinalyq jäne şyǧarmaşylyq mamandyqtardy qospaǧanda, qabyldau emtihandary bolmaidy. Konkurs attestattaǧy mındettı jäne beiındık pänderdıŋ ortaşa baly boiynşa ötkızıledı.
Būdan basqa bılım berudıŋ aşyqtyǧy men qoljetımdılıgın qamtamasyz etu üşın QR BǦM «aqşa studentpen bırge jüredı» qaǧidaty negızınde granttardy böludıŋ jaŋa tetıgın äzırledı. Iаǧni, eger būryn granttar kolledjder arasynda bölıngen bolsa, endı olar talapkerlerdıŋ taŋdauy boiynşa berıledı. Memlekettık tapsyrys talapkerlerdıŋ taŋdauy boiynşa kolledjder arasynda ornalastyrylatyn bolady.
TjKB ūiymdaryna qabyldau 25 mausymnan bastalady. Talapkerler kolledjge qūjattardy ekı täsılmen elektrondyq ükımet portaly Egov.kz arqyly nemese tıkelei kolledjge tapsyra alady.
Bolaşaq studentterdıŋ 4 mamandyq pen 4 kolledjge deiın taŋdau qūqyǧy bar. Konkurs attestattaǧy mındettı jäne beiındık pänderden qoiylǧan baǧanyŋ ortaşa konkurstyq baly boiynşa aqparattyq jüie arqyly ötkızıledı. Pedagogikalyq, medisinalyq jäne şyǧarmaşylyq mamandyqtarda oqyǧysy keletın tülekter arnaiy nemese şyǧarmaşylyq emtihandar tapsyryp, äŋgımelesuden ötedı. Arnaiy nemese şyǧarmaşylyq emtihandardy kolledjder janynan qūrylǧan komissiialar jürgızetın bolady.
«Konkurs 2 kezeŋge bölıngen. Bırınşı 9-synyp negızınde oquǧa tüsetın talapkerler arasynda memlekettık tapsyrysty bölu 19-22 tamyz aralyǧynda, al, 11 synyp tülekterı üşın 22-25 tamyz aralyǧynda ötedı. İgerılmegen oryndar bolǧan jaǧdaida bılım grantymen qamtylmaǧan talapkerler arasynda memlekettık bılım beru tapsyrysyn qaita bölu jürgızıledı. Memlekettık tapsyrys boiynşa oquǧa qabyldau turaly aqparat talapkerdıŋ jeke kabinetıne keledı. Kolledjderge qabyldau 31 tamyzda aiaqtalady», – dep atap öttı QR BǦM Tehnikalyq jäne käsıptık bılım departamentınıŋ direktory Nasymjan Ospanova.Bügıngı taŋda elımızde 795 kolledj jūmys ısteidı. Onyŋ 454-ı memlekettık oqu oryndary. Granttardy 435 memlekettık kolledj jäne 170 jeke menşık kolledj alady. 2021-2022 oqu jylyna memlekettık bılım beru tapsyrysy 10 baǧyt jäne 200-den astam sūranysqa ie mamandyqtar boiynşa 97 myŋ orynǧa qalyptastyrylǧan.
«Biyl kvotalyq sanattar tızımı keŋeitıldı, endı kvotalar 9 sanat boiynşa qarastyrylady. Köp balaly otbasylardan şyqqan balalar üşın 5%, märtebesı kemınde üş jyl tolyq emes otbasylar qataryndaǧy balalarǧa 1%, bala kezınen mügedek balalardy tärbielep otyrǧan otbasylardan şyqqan talapkerler men bırınşı jäne ekınşı toptaǧy mügedekter üşın 1% kvota qosyldy. Baldar teŋ bolǧan jaǧdaida kvotalyq sanat jäne attestattyŋ ortaşa baly eskerıledı», – dep atap öttı Nasymjan Ospanova.Sonymen qatar biyl alǧaş ret barlyq tülekterge bılım basqarmalarynyŋ aqparattyq jüielerı arqyly käsıbi diagnostikadan ötu mümkındıgı berıledı. Diagnostika tülekterge mamandyq taŋdauda kömektesuge arnalǧan jäne ūsynymdyq sipatqa ie.
«Adyrna» ūlttyq portaly
