Atyrau oblysy äkımınıŋ bırınşı orynbasary Serık Aidarbekov Özbekstan Respublikasynyŋ Qazaqstan Respublikasyndaǧy Tötenşe jäne Ökılettı Elşısı Saidikram Niiazhodjaevty qabyldady.
Kezdesu barysynda ekıjaqty sauda-ekonomikalyq yntymaqtastyqty odan ärı keŋeitu, investisiia tartu, sondai-aq bırlesken käsıporyndar qūru mäselesı talqylanyp, ekı el arasyndaǧy mädeni bailanys turaly äŋgıme qozǧaldy.
«Elımız Täuelsızdık alǧannan berı ekı el arasynda jaqyn dostyq qarym-qatynas qalyptasty. Atyrau oblysynyŋ da Özbekstanmen yntymaqtastyǧy qarqyndy damyp keledı»,-degen Serık Aidarbekov bauyrlas elder arasyndaǧy alys-berıstıŋ artyp kele jatqanyna toqtaldy.Onyŋ sözınşe, 2021 jylǧy qaŋtar-nauryz ailarynyŋ özınde Atyrau oblysynyŋ Özbekstanmen syrtqy sauda ainalymy 18,9 mln. AQŞ dollaryn qūraǧan. Būl 2020 jylǧy osy kezeŋmen salystyrǧanda üş esege, iaǧni 6,4 mln. AQŞ dollaryna artqanyn körsetedı.
«Bız ejelden bauyrlas ärı körşı elmız. Onyŋ üstıne Özbekstanda millionnan astam qazaq tūrady. Memleketterımızdıŋ arasyndaǧy dostyq pen yntymaqtastyq ekı jaqqa da äleumettık-ekonomikalyq jaǧynan paidaly bolyp, bailanys artaryna senemın»,-dedı elşı Saidikram Niiazhodjaev. Sondai-aq, Özbekstan elşısı ekı memleket arasynda äue reisterınıŋ jandanatynyna da airyqşa toqtaldy.
Kezdesu soŋynda Serık Aidarbekov öŋırde jalpy audany 210 gektar industriialyq aimaqqa investorlarǧa qolaily jaǧdai jasau üşın barlyq qajettı infraqūrylym jürgızıletının jetkızdı. «İndustriialyq aimaqtyŋ aumaǧynda älemdık standarttarǧa sai keletın zamanaui önerkäsıptık-öndırıstık keşender qūru josparlanuda. Özbekstan investorlaryn da osyndai mümkındıkterdı paidalanuǧa şaqyramyz»,-dedı ol.Aita keteiık, bügıngı taŋda Atyrau oblysynda Özbekstan kapitalynyŋ qatysuymen 18 käsıporyn jūmys jasauda.
