Mäjılıs deputaty Dariǧa Nazarbaeva ükımet basşysyna saual joldap, auyldardy sapaly internetpen qamtamasyz etu mäselesın köterdı, dep habarlaidy «Adyrna» ūlttyq portaly Sputnik Qazaqstan saityna sılteme jasap.
«2020 jyldyŋ nätijesı boiynşa memleket Qazaqstan Respublikasy halqynyŋ 98,7% internet jelısıne keŋjolaqty qoljetımdılıkpen qamtamasyz ettı. Būl sandardyŋ dūrystyǧyna sarapşylar da, halyq ta kümän keltıredı. 510 auylda İnternettıŋ jyldamdyǧy tömen», - dedı Nazarbaeva mäjılıstıŋ jalpy otyrysynda.Osy oraida ol Nur Otan-nyŋ sailaualdy baǧdarlamasynda 2021 jyly auyl mektepterınıŋ 80 prosentın joǧary jyldamdyqty internetpen qamtamasyz etu mındetınıŋ jazylǧanyn eske saldy.
«Sifrlyq damu, innovasiialar jäne aeroǧaryş önerkäsıbı ministrlıgı jyldamdyqtyŋ tömen boluynyŋ sebebı retınde auyldyq eldı mekenderdı İnternetpen qamtamasyz etu üşın qosymşa qosylulardy paidalanu qajettıgın aitty. Osyǧan bailanysty myna sūraqtarǧa jauap beruıŋızdı sūraimyn. Auyldyq eldı mekenderde internet jelısıne qoljetımdılıktı qamtamasyz etudıŋ naqty tehnologiiasyn qoldanu turaly şeşım qalai qabyldanady jäne osy tehnologiialardyŋ aiyrmaşylyǧy nede?», - dep sūrady Nazarbaeva.Būdan bölek, deputat «soŋǧy milia» mäselesın tüsındırudı sūrady.
«Auyldyq eldı mekenderde İnternetke qosylu sapasyn tūraqty negızde ölşeu jürgızıle me jäne būl mäsele Qazaqstan Respublikasynyŋ qandai memlekettık organynyŋ qūzyretınde tūr?», - dedı deputat.
"Adyrna" ūlttyq portaly
