Amerıkalyq QuantumScape kompanııasy oılap tapqan 2021 jylǵy jańa tehnologııa - lıtıı-metall batareıasy elektromobılderdi qýattaýǵa arnalǵan qurylǵy. Erekshe separator men anodtyń arqasynda batareıa qýat qorymen, jyldam qýattaýymen, qyzmet etý merzimimen, quny jáne qaýipsizdigimen erekshelenedi.
Mamandardyń aıtýynsha, mundaı batareıalar qýat qoryn 560-tan 1000 shaqyrymǵa deıin arttyrady. Ári elektromobılderdi jyldam qýattaýǵa múmkindik beredi. Máselen, osyndaı batareıamen kólikti 15 mınýtta 80% qýattaýǵa bolady. Al qýat qory eki ese artady. Sonymen birge 800-den artyq ıklden keıin óziniń 80% daı syıymdylyǵynyń saqtaıdy. Bul ortasha eseppen 386,000 km júriske teń (shamamen 14-16 jyl avtomobıldi qalypty paıdalaný).
Batareıanyń taǵy bir jetistigi - onyń jeke anodsyz shyǵarylýynda. Ol qýattalǵan kezde katodtaǵy lıtıı ıondary separator arqyly qozǵalady. Olardyń arasynda jáne elektrli baılanysta tegis qabat jasaıdy. Osydan keıin qýattalý barysynda shamamen barlyq ıondar katodqa oralady. Mundaı qurylys batareıanyń massasyn, kólemin, qunyn tómendetedi.
QuantumScape kompanııasy 2020 jyly batareıany alǵashqy synaqtardan ótkizdi. Sátti synaqtardan keıin nemis avtomobıl markasy - Volkswagen-men mámilege keldi. Kelisimge sáıkes atalǵan marka 2025 jyly lıtıı-metall batareıalary bar elektromobılder shyǵara bastaıdy.
Naǵıma Sahan
