Äleumettık jelılerde Almatydaǧy «Atakent» aldyna alyp būqanyŋ müsını qoiylatyny turaly video jariialandy. Būǧan jelı qoldanuşylary narazylyq bıldırıp, türlı pıkır qaldyrdy. Äkımdık jaǧdaiǧa qatysty tüsınık berdı, - dep habarlaidy Tengrinews.kz.
Video kadrlarynan būqanyŋ müsını jük kölıgı üstınde tūrǧanyn köruge bolady. Videoda kölık «Atakent» arkasynyŋ aldynda tūr.
«Tiınnıŋ ornyna basqa müsındı äkeldı. Äkımdık aqşany qaida jūmsap jatyr? Būqanyŋ qola müsınıne, ärine. Būǧan deiın tiınge, endı būqaǧa jūmsap otyr. Būǧan qanşa million aqşa kettı dep oilaisyz? Mıne oryny da daiyn», - deidı video avtory.Jelı qoldanuşylary video avtoryn qoldaǧan jäne müsınge qanşa aqşa jūmsaluy mümkın ekenın aityp boljam jasaǧan. Alaida Almaty äkımdıgı «Atakentke» būqanyŋ müsını ornatylmaǧanyn aitty.
«Bälkım, kölık būryluǧa toqtaǧan şyǧar», - deidı äkımdık ökılı.Sonymen qatar, «Atakent» äkımşılıgı de aumaqta jaŋa müsın ornatylmaǧanyn aitty.
«Arka aldynda būqanyŋ müsını joq. Bızde ondai aqparat joq», - dedı vedomstvo ökılı.Aita keteiık, būǧan deiın «Atakentte» tiınnıŋ installiasiiasy tūrǧan bolatyn. Onyŋ qūny - 23 million teŋge ekenı belgılı bolǧannan keiın müsınge qatysty türlı pıkır aitylyp, almatylyqtar narazy bolǧan edı.
