Elorda köşesınde üstınde kiımı joq er adam köşede velosiped teuıp jürgen. Būl turaly Nūr-Sūltan qalalyq Polisiia departamentı habarlady.
Vedomstvo mälımetınşe, taŋǧy saǧat 07.14-te «102» arnasyna Esıl özenınıŋ jaǧalauynda tyr jalaŋaş er adamnyŋ velosipedpen ketıp bara jatqany turaly habarlama tüsken. Dereu oqiǧa ornyna jetken patruldık polisiia qyzmetkerlerı ışımdıkke mas küidegı azamatty ūstady.
Onyŋ üstınde kiımnen tek aiaq kiımı ǧana bolǧan.
«42 jastaǧy qūqyq būzuşynyŋ aituynşa, ol tüngı uaqytta tanysymen özen jaǧalauynda ışımdık ışken. Keiın er adam salqyndau üşın özenge tüsken. Al sudan şyqqan kezde jaǧalaudan kiımın tappai qalǧan. Tanysy kiımderın alyp, belgısız baǧytqa ketıp qalǧan. Er adam kezdesuge kelgen avtomobilınıŋ bagajynan velosipedın alyp, Baraev köşesı boiyndaǧy üiıne jetpek bolǧan. Ūstalǧan azamat alkogolge mas bolǧandyqtan kölık rulıne otyrmaǧandyǧyn aityp otyr», - dedı departamentten.Qoǧamdyq orynda ışımdık ışkenı jäne qoǧamdyq tärtıpke kereǧar äreketke barǧany üşın er adamnynŋ üstınen QR Äkımşılık qūqyq būzuşylyq turaly kodekstıŋ 440, 434-baptarymen äkımşılık ıs qozǧaldy. Nūr-Sūltan qalalyq mamandandyrylǧan audanaralyq äkımşılık sotynyŋ şeşımımen er adam äkımşılık qamauǧa alyndy jäne aiyppūl töleitın bolady.
