Esterıŋızde bolsa, 11 mausym künı Aqordany, ŪQK-nı jäne basqa da strategiialyq maŋyzdy nysandardy dronmen äueden videoǧa tüsırıp jürgen Liu Hau esımdı Qytai azamaty ūstalǧan. Nege.kz portaly Qytailyq «şpionǧa» qatysty keibır jaittardy anyqtady, dep habarlaidy “Adyrna” ūlttyq portaly.
Bız osy oqiǧaǧa bailanysty Qazaqstandaǧy QHR elşılıgıne, ŪQK töraǧasy K.Mäsımovke Işkı ıster ministrı E.Tūrǧymbaevqa jäne Nūr-Sūltan qalasy Polisiia departamentınıŋ basşysy E.Sädenovke resmi saual joldaǧanbyz.
QHR elşılıgınen älı jauap kelgen joq. Ädette dauly mälımdeme jasap, jürgen jerın şulatyp jüretın elşı Chjan Siao jauap berudı qajet dep tappauy mümkın. Sebebın ışıŋız bılsın…
Ūlttyq qauıpsızdık komitetı de äzırge tym-tyrys. IIM-nıŋ baspasöz qyzmetı «tırkelgen faktı negızınde QR ÄQBK-nyŋ 563-baby (QR äue keŋıstıgın paidalanu tärtıbın būzu) boiynşa äkımşılık material jinaqtalǧanyn, materialdardy QR İndustriia jäne infraqūrylymdyq damu ministrlıgınıŋ Azamattyq aviasiia komitetıne joldau josparlanyp otyrǧanyn» jazypty.
Tek Nūr-Sūltan qalalyq Polisiia departamentınen tam-tūmdap aqparat alǧandai boldyq. Departament basşysynyŋ bırınşı orynbasary B.Malybaevtyŋ jauaby tömendegıdei:
«2021 jyldyŋ 11 mausymynda Polisiia departamentınıŋ qyzmetkerlerımen Nūr-Sūltan qalasy Triatlon parkınıŋ aumaǧynda Qytai Halyq Respublikasy azamaty Liu Hao «DJJ» markaly drondy qoldana otyryp, elordanyŋ özıne ūnaǧan ǧimarattaryn beinejazbaǧa tüsıru arqyly Qazaqstan Respublikasynyŋ äue keŋıstıgın paidalanu tärtıbın būzǧany anyqtaldy. Atalǧan faktı Nūr-Sūltan qalasy «Almaty» audanynyŋ Polisiia basqarmasynyŋ aqparatty esepke alu kıtabyna №217111030016973 sanymen tırkelgen. 2021 jylǧy 12 mausymda Qytai azamatyna qatysty jinaqtalǧan materialdar, Qazaqstan Respublikasy Äkımşılık qūqyq būzuşylyq turaly Kodeksınıŋ 563-babyna säikes äkımşılık jaupkerşılıktı qarastyru üşın «Azamattyq aviasiia komitetıne» joldanǧanyn habarlaimyz. Liu Hao-nyŋ Qazaqstan Respublikasynyŋ aumaǧyna keluı jönındegı qūjattaryn Departamenttıŋ Köşı-qon qyzmetı basqarmasynyŋ qyzmetkerlerı tekserıp, kelu maqsaty ıskerlık (jūmys babymen) ekenın, köşı-qon salasynda qūqyq būzuşylyqtar anyqtalmaǧanyn habarlaimyz».Iаǧni, äzırge qytailyq Liu haudy «ısker» dep qabyldaimyz. Öitkenı memleketımızdıŋ qauıpsızdıgın qamtamasyz etetın ŪQK de, Prezidenttıŋ qauıpsızdıgıne tıkelei jauapty Memlekettık küzet qyzmetı de būl oqiǧaǧa bailanysty resmi mälımdeme jasaǧan joq. Jalpy, şpiondardyŋ şetelde äşkerelenıp qaluy köp jaǧdaida halyqaralyq daularǧa türtkı bolǧanymen, anau aitqandai tosyn jaŋalyq sanalmaidy. Keibır elder ūstalyp qalǧan şpiondaryn arnaiy kelısımmen almastyryp alyp jatady. Sondyqtan mūndai «barys-kelıster» būǧan deiın de bolǧan, būdan keiın de bola bermek. Būl jerde sūraq basqa bolsa kerek-tı: Qazaqstanda Qytaidyŋ qanşa «ıskerı» jür? Memlekettıŋ jäne Memleket basşysynyŋ qauıpsızdıgıne jauapty organdar olar turaly bıle me?!
