Äsel JŪMATAI – elımızge belgılı konditer, qazaqtıldı fud-bloger, «Balzere school» mektebınıŋ negızın qalauşy. «Adyrna» tılşısı jas käsıpkermen äŋgımelesıp, būl salaǧa qalai kelgenın sūrap bıldı.
– Mekteptıŋ negızın joldasym ekeumız qaladyq. Barlyq jūmysty tek özım atqarmaimyn ǧoi. Komandamyz bar. Ondaǧy är adamnyŋ öz mındetı bar. Al balalarymyzǧa ata-analarymyz qarap berıp jatyr.Dese de, bastapqy kezde öte qiyn boldy. Sebebı senıŋ balalaryŋ bar, emızulı säbiıŋ bar, tüsıp jatqan tapsyrystaryŋ bar, instagramdaǧy blogerlık jūmysyŋ bar, taǧysyn taǧy. Onyŋ barlyǧynyŋ artynda bırşama emosiia jatyr. Video bırden oidaǧydai bolyp şyqpaidy. Balamen arpalysyp jürıp pısırgen tamaqtarym küiıp ketıp jatady. Ony keiın qaita tüsıruge mäjbür bolasyŋ. Jaryqty dūrys qoiuyŋ kerek. Şynymdy aitsam, barlyǧyn tastap, odanşa bala-şaǧama qarap otyraiyn degen kezderım boldy. Bıraq jaqyndarymnyŋ qoldauynyŋ arqasynda qaita aiaqqa tūryp, küş jinadym. Osy tūsta qol ūşyn sozyp jatqan barşa tuysyma öz alǧysymdy bıldırıp ötkım keledı. Būl därejege bırınşı Allanyŋ qalauymen, ekınşı osy kısılerdıŋ arqasynda jettım.
Bügınde Äsel hanym süiıktı ısın käsıbıne ainaldyra bılgen baqytty jandardyŋ bırı.2017 jyly ystyq ūiammen qoştasyp, tūrmysqa şyqtym. Ärine, otbasylyq ömırde kez kelgen kelınşıktı mazalaityn «Bügın ne pısıremın? Otbasymdy qalai quantamyn?» syndy sūraqtar menı de ainalyp ötpedı. Tyǧyryqtan şyǧu maqsatynda ǧalamtordan türlı taǧamdardyŋ reseptılerın qarap, daiyndap jürdım. Uaqyt öte kele qazaq tılınde blog jürgızetın aspazdardyŋ öte az ekenıne köz jetkızdım. Nege osy olqylyqtyŋ ornyn toltyrmasqa degen nietpen fud-blogerlıkke qadam bastym. Bırtındep pısırgen tamaqtarymdy jelıge jüktei bastadym. Oqyrmandarymnyŋ «qandai küştı, keremet» degen bır-ekı pıkırlerın körıp, odan ärı şabyttanatynmyn. Keiınnen özımde senımdılık paida bolyp, naqty qadamdar jasai bastadym. Osylaişa qazırgı taŋda qazaqşa kontenttı damytuǧa kışkentai bolsa da ülesımdı qosyp jürmın.
Būl salada jürgenıme 4 jyldan asty. Däl qazırgı uaqytta hobbiım jūmysyma ainaldy. Şyny kerek, bastapqy kezde tamaq pısıru arqyly tabys tabamyn degen niet müldem bolmady. Olardy satamyn, tabysty ledi bolamyn dep oilamadym. İä, damu maqsatynda türlı aqyly master klastarǧa qatystym, alaida sol kezdegı maqsatym jaŋa taǧamdardy üirenıp alu arqyly joldasymdy quantyp, jai ǧana ol kısınıŋ «Alla razy bolsyn» degen sözın estu boldy. Jan jarym bızdı asyrap otyrǧannan keiın jūmysqa şyǧamyn degen oi kelmeptı. Onyŋ üstıne men oquymdy älı aiaqtamaǧan edım.Qonaǧymyz alǧaşqy tapsyrysyn qalai alǧany turaly da baiandap berdı.
Konditerlık önımderdı jasaǧandy erekşe ūnatamyn. Tättılerımnen däm tatqan tuystarym «Äsel, nege torttaryŋdy satpaisyŋ? Keremet şyǧypty» dep jiı aitatyn. Keiın olardy satu ideiasy tudy. Bastapty kezde aǧaiyndaryma tegın berıp jürdım. Keide şyǧynyna ǧana aqşa alatynmyn. Keiınnen tuystarym arqyly basqa da adamdar tortymnyŋ dämın körıp, tapsyrys bere bastady. Isım osylaişa jandanyp kettı. Barlyǧy bırden bola qoiǧan joq.Äsel Jūmataidyŋ pıkırınşe, konditer – eŋ qiyn mamandyqtardyŋ bırı.
Köp adam konditerdıŋ jūmysy jeŋıldeu dep oilaidy. Alaida būl qate pıkır. Tortty dämdı jasai bılu – bır öner, ony bezendıru – bır öner. Klienttıŋ köŋılınen şyǧa ma dep taǧy bır uaiymdaisyŋ. Qazırgı taŋda bıraz täjıribe jinaǧannan keiın tättılerımnıŋ baǧasy da özge konditerlerge qaraǧanda säl qymbattau dep aitsam bolatyn şyǧar. Tapsyrys beruşılerdıŋ köŋılınen şyǧa bılu üşın ädemı dekory bar tort jasauǧa barymdy salamyn. Ol adamnyŋ bıraz uaqytyn alady. Älı künge deiın «klientımdı razy ete alamyn ba?» dep uaiymdaimyn. Sebebı barlyǧy «uau, Äsel hanym, keremet» dep aita bermeidı ǧoi. Neşe türlı adam bolǧannan keiın är adamnyŋ qalauy ärqalai. Basymnan ötken qyzyq oqiǧamdy aityp bereiın. Bır adam syrty qyzǧylt tüstı tortqa tapsyrys berdı. Qyrsyqqanda däl sondai tüstı boiaǧyşym tausylyp qalǧan eken. Oiymda artyq eşteŋe joq, tortty qyzǧylt-sary tüspen äsemdei saldym. Mäz bolyp, tapsyrys bergen janǧa tättımdı tabystap jatqanda, ol öz renışın aitty. Dekor üşın alǧan aqşamdy qaitaryp berdım. Şyny kerek, kez kelgen konditer üşın klienttıŋ köŋılınen şyqpai qalu – öte jaman sezım.Äŋgıme barysynda jas käsıpker arnaiy aspaz mamandyǧyn oqymaǧanyn atap öttı.
Özım qalamaityn mamandyqqa oquǧa tüstım. Ol ūnamaǧannan keiın, bolaşaǧymdy sol salamen bailanystyra almaǧandyqtan, universitetten öz erkımmen şyǧyp kettım. Özgelerdıŋ pıkırı qyzyq bolmady. Şeşımıme ökınbedım, kerısınşe süiıktı ısımdı tapqanyma quandym.Bügınde Äsel Jūmatai – ardaqty jar, üş balany tärbielep otyrǧan aiauly ana, «Balzere school» mektebınıŋ negızın qalauşy.
– Mekteptıŋ negızın joldasym ekeumız qaladyq. Barlyq jūmysty tek özım atqarmaimyn ǧoi. Komandamyz bar. Ondaǧy är adamnyŋ öz mındetı bar. Al balalarymyzǧa ata-analarymyz qarap berıp jatyr.Dese de, bastapqy kezde öte qiyn boldy. Sebebı senıŋ balalaryŋ bar, emızulı säbiıŋ bar, tüsıp jatqan tapsyrystaryŋ bar, instagramdaǧy blogerlık jūmysyŋ bar, taǧysyn taǧy. Onyŋ barlyǧynyŋ artynda bırşama emosiia jatyr. Video bırden oidaǧydai bolyp şyqpaidy. Balamen arpalysyp jürıp pısırgen tamaqtarym küiıp ketıp jatady. Ony keiın qaita tüsıruge mäjbür bolasyŋ. Jaryqty dūrys qoiuyŋ kerek. Şynymdy aitsam, barlyǧyn tastap, odanşa bala-şaǧama qarap otyraiyn degen kezderım boldy. Bıraq jaqyndarymnyŋ qoldauynyŋ arqasynda qaita aiaqqa tūryp, küş jinadym. Osy tūsta qol ūşyn sozyp jatqan barşa tuysyma öz alǧysymdy bıldırıp ötkım keledı. Būl därejege bırınşı Allanyŋ qalauymen, ekınşı osy kısılerdıŋ arqasynda jettım.
Äreketke bereket..
Ailyq tabysym — 1,5 million teŋgeden joǧary. Eŋbegımnıŋ jemısı dep bılemın. Alla Taǧala oŋdy äreketke bereket beredı. Būl aqşanyŋ köp bölıgın jaŋa kurstarǧa qatysuǧa, tehnologiialardy satyp aluǧa jūmsaimyn. Konditer ärdaiym ızdenıs üstınde boluy kerek.
Osy deŋgeige jetu üşın 4 jyl eŋbektendım..
Men qarapaiym otbasynda düniege kelgen, tek anamnyŋ tärbiesın körgen qyzbyn. Qazırgı taŋda millionǧa juyq auditoriiany jinap, öz mektebımdı aştym. Onyŋ barlyǧy da maŋdai terımızdıŋ arqasynda keldı. Būl deŋgeige jetu üşın tört jyl eŋbektendım. Sız de şynaiy qalasaŋyz, barlyǧyna qol jetkıze alasyz. Eger konditerlık salany taŋdasaŋyz, onyŋ qyzyǧy men şyjyǧyna da daiyn bolyŋyz. Bırden tabysqa kenelu mümkın emes. Bastysy sabyr etıŋız, synbaŋyz. Ūmytpaŋyz, eŋbektıŋ artynda tek jemıs tūrady.Konditer aldaǧy uaqytta bar küş-jıgerın mektebınıŋ damuyna salmaq.
Maqsatym — «Balzere» mektebın aiaqqa tūrǧyzyp, ony TMD elderı moiyndaityndai därejege jetkızu. Qazır üide otyrǧan qyz-kelınşekter köp. Öz ornyn taba almai jürgender de barşylyq. Sondai jandarǧa kömekteskım keledı. Olar da men sekıldı süiıktı ısın käsıbıne ainaldyra alady. Ärine, barlyq näzık jandynyŋ ömırın özgerte almaitynym aqiqat. Alaida, Qazaqstandaǧy äielderdıŋ 5 %-nyŋ bolsyn tabysty boluyna, ömırden öz ornyn tabuyna az da bolsa septıgımdı tigızgım keledı.
Äŋgımelesken Diana ASAN,
«Adyrna» ūlttyq portaly
