Tärtıp saqşylary kezektı reid kezınde Jylyoi audanyna qarasty Qūlsary qalasynda tūratyn 31 jastaǧy tūrǧynnyŋ üiınen salmaǧy jarty tonnadan asatyn 169 dana bekıre balyǧyn tärkıledı, dep habarlaidy oblystyq polisiia departamentınen.
Qara bazarda baǧasy 2 mln teŋgeden asatyn su marjanyn qaidan jäne qaşan alǧanyn küdıktı aityp bere almady. Poliseiler küdıktınıŋ būl ıspen köpten berı ainalysatyndyǧyn aityp otyr.
Atyrau oblystyq PD kriminaldyq polisiia basqarmasyna Jylyoi audany, Qūlsary qalasynyŋ tūrǧyny özınıŋ aulasynda bekıre tūqymdas balyqtardy zaŋsyz saqtap jäne satyp jürgendıgı turaly aqparat kelıp tüsken.
Qazırgı taŋda būl atalǧan azamatqa qatysty QK-tıŋ 339-baby, 1-bölıgı boiynşa sotqa deiıngı tergeu amaldary jürgızılude. Al küdıktı uaqytşa ūstau izoliatoryna qamaldy, – dedı oblystyq PD baspasöz hatşysy Meiırım Erdäulet.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz