Şıldenıŋ ortasynan bastap vaksina almaǧan qyzmetkerdıŋ jūmys ısteuıne rūqsat bergen basşylarǧa 1,5 million teŋge aiyppūl salynady. Qyzmetkerdıŋ özı kem degende 15 myŋ teŋge töleuı mümkın. Alaida biznesmender qysqa uaqyt ışınde bärın vaksinalau mümkın emestıgın aitady dep habarlaidy "Adyrna" ūlttyq portaly "Astana" telearnasyna sılteme jasap.
"Qazaqstannyŋ bas memlekettık sanitariia därıgerınıŋ qaulysyna baǧynbai, qyzmetkerge vaksina almai nemese jetı kün saiyn PTR-synama tapsyrmai jūmys ısteuıne rūqsat bergen basşylar ÄQBtK-nıŋ 462 nemese 425-baby boiynşa jazalanady", - dep tüsındırdı sanepidembaqylau komitetınıŋ resmi ökılı Erjan Baitanaev.Alaida käsıpkerler mūndai şaraǧa daiyn emestıgın aitady. Olar qyzmetkerlerdı mındettı vaksinalau merzımın ūzartudy sūraidy. Qazırgı uaqytta qoǧamdyq tamaqtanu salasynda ekı million adam jūmys ısteidı. Jarty aida bärıne ekpe salyp ülgeruı mümkın emes. Onyŋ üstıne biznesmender bärın vaksina aluǧa mäjbürlei almaidy.
"Bız vaksinasiiany qoldaimyz, bıraq mūndai qysqa merzımde emes. Ol mümkın emes. Qazır käsıpkerler öz esebınen skrining jürgızıp jatyr. Kem degende 1-15 qyrküiekke deiın merzımdı ūzartu qajet", - dedı Qazaqstannyŋ qoǧamdyq tamaqtanu qauymdastyǧy töraǧasynyŋ keŋesşısı Veronika Nūrpeiısova. Aita ketu kerek, 2 şıldeden bastap elımızde barlyq qyzmetkerı vaksina saldyruy tiıs nysandardyŋ keŋeitılgen tızımı şyqqan bolatyn. Olardyŋ qataryna bazarlar, sūlulyq salondary, dämhanalar, meiramhanalar, qyzmet körsetu nysandary jäne jappai baratyn basqa da oryndar kıredı.
"Adyrna" ūlttyq portaly.
Ūqsas jaŋalyqtar
