Tanymal rejisser, ssenarist, jazuşy Satybaldy Narymbetov 75 jasynda ömırden öttı dep habarlaidy "Adyrna" ūlttyq portaly.
Būǧan deiın ärıptesterı rejisserdıŋ auyr syrqattanyp, auruhanada jatqanyn habarlaǧan bolatyn.
Satybaldy Narymbetov 1946 jyly 7 nauryzda Türkıstan oblysynyŋ Türkıstan audanyndaǧy Aşysai auylynda tuǧan.
Mäskeu qalasyndaǧy memlekettık kinematografiia institutyn bıtırgen. 1984 jyly joǧary rejisserlık kursty (G.N. Daneliianyŋ şeberhanasy boiynşa) bıtırgen. 1969 jyldan «Qazaqfilm» studiiasynda ssenariişı ärı kinorejisser retınde qyzmet ettı.
1970 jyldan «Qazaqfilm» kinostudiiasynyŋ kinorejisserı boldy. Al 2005 jyldan berı Şäken Aimanov atyndaǧy «Qazaqfilm» AQ «Debiut» bırlestıgınıŋ jetekşısı bolǧan.
Ol «Qūrmanǧazy» atty derektı filmıne (1972 jyly), «Zaual» (1981 jyly), «Küzgı būralaŋ jol» (1984 jyly) qysqa metrajdy filmderıne, «Ūryn kelgen küieu» (1987 jyly), «Sozaqtan şyqqan Gamlet» (1990 jyly), «Közımnıŋ qarasy», «Jas akkordeonşynyŋ ömırbaiany» (1994 jyly), «Ompa» (1998 jyly) jäne taǧy basqa körkem filmderge rejisserlık etken.
"Adyrna" ūlttyq portaly rejisserdıŋ otbasyna, aǧaiyn-tuystaryna, ärıptesterıne qaiǧysyna ortaqtasyp, köŋıl aitady.
"Adyrna" ūlttyq portaly.
