Auǧanstannyŋ Badahşanynan Täjıkstannyŋ Tau-Badahşan avtonomiialy oblysyna qaşqan myŋnan astam bosqyn qauıpsız jerge ornalastyryldy dep habarlaidy "Adyrna" ūlttyq portaly "centralasia.media-ǧa" sılteme jasap.
Aimaq basşysynyŋ baspasöz hatşysy Golib Niiatbekovtıŋ «Aziia-Plius» tılşısıne habarlauynşa, bosqyndardyŋ denı — äielder, balalar men qarttar. Qauıpsızdık maqsatynda Niiatbekov bosqyndardyŋ qaida ekenın naqty aitqan joq. Ol sonymen qatar ükımettık emes ūiymdar Täjıkstan ükımetıne auǧan bosqyndaryn qabyldaǧany üşın alǧys aitty.
Bosqyndardyŋ şekarany däl qai künı kesıp ötkendıgı turaly mälımet joq, bıraq būl şamamen 4-5 şıldede, iaǧni Auǧanstannyŋ Badahşan provinsiiasynyŋ 6 audanyn tälıpter basyp alǧan kezde bolǧan. Qauıpsızdık maqsatynda VVAO bilıgı älı künge deiın auǧan bosqyndarynyŋ naqty sanyn jariialamady. Būǧan deiın tek äskeri bosqyndar turaly habarlanǧan. Būl — azamattyq bosqyndar turaly bırınşı habarlama.Būǧan deiın aimaq basşysy Iodgor Faizov: "Auǧanstandaǧy jaǧdai bızdı ışkı tūraqtylyqty qamtamasyz etuge, memlekettık şekara būzyluy mümkın jaǧdaida, jerdı qorǧauǧa jäne jauapty şaralardy qabyldauǧa şaqyrady", — dep mälımdegen bolatyn. Sondai-aq ol mäjbürlı bosqyndar turaly eskertken edı. 5 şıldede Täjıkstan Ūlttyq qauıpsızdık komitetınıŋ Şekara qyzmetı mäjbürlı şegınu nätijesınde Auǧanstan armiiasynyŋ 1037 sarbazy Täjıkstan şekarasynan öttı dep habarlady. Osylaişa olardyŋ jalpy sany 1500 adamǧa artty. Auǧanstan ūlttyq qauıpsızdık keŋesınıŋ mälımetterı boiynşa Täjıkstandy panalaǧan auǧandyq sarbazdardyŋ sany köp bolǧan, onyŋ 2300-ı elıne oralǧan.
"Adyrna" ūlttyq portaly.
