Tájikstannyń tómengi palatasy «TR dinı birlestikter jáne ar erkindigi jónindegi» zań jobasyna ózgerister engizip, elde dinı partııa qurýǵa resmı tyıym salýdy bekitti.
Ózgeristerge sáıkes, dinı bilimdi tek memlekettik oqý oryndarynan ǵana alýǵa ruqsat beriledi.
Tájikstan – Ortalyq Azııadaǵy uzaq ýaqyt boıy dinı partııa jumys istep kelgen bir ǵana memleket. Tájikstandaǵy ıslamnyń jańǵyrýy partııasy Sovet odaǵy qulaǵanǵa deıin qurylyp, 2015 jyldyń kúzine deıin jumys istep keldi. Partııa jetekshilerin memlekettik tóńkeris jasamaq boldy dep aıyptap, partııanyń jumysyna tyıym salǵan.
Zań jobasyna engizilgen ózgeristerge sáıkes, jergilikti bılik ne kásipkerlerge jańa meshitterdi ıelenýge ne salýǵa ruqsat berilmeıdi. Sonymen birge meshitke tek ıslam álemine áıgili tulǵalardyń attaryn ǵana berýge bolady.
Abai.kz
