Şymkenttegı maŋyzdy nysandardyŋ bırı Rysqūlov-Qonaev köşelerınıŋ qiylysyndaǧy kölık jolairyǧyn salu jūmystary kestege säikes jürgızılıp jatyr. Qala äkımı Mūrat Äitenov qūrylys alaŋynda bolyp, jūmys barysyn pysyqtady.
Bügıngı künı aumaqtaǧy 1,92 şaqyrym su jäne 1,82 şaqyrym gaz qūbyrlarynyŋ, 1,2 şaqyrym elektr jäne 0,6 şaqyrym bailanys symdarynyŋ orny auystyrylǧan. 400 metrge tıreu qabyrǧalaryn qūiǧan. Uaqytşa elektr baǧanalaryn ornatu – 7 dana, 114 dana svai qūiu, jer jūmystary – 85 000 tekşe metr, quattylyǧy 110 kV elektr jelısın uaqytşa ainalma jelısıne qosu, Vl110 baǧanasyn demontajdau, jaŋadan salynǧan qysymy joǧary diametrı 500 mm gaz qūbyryn qoldanystaǧy gaz qūbyryna qosu jūmystary oryndaldy.
Osy aida jer asty ötkelınıŋ jūmystary, qada qūiu jäne Rysqūlov köşesınıŋ Qonaev daŋǧylynan Baitūrsynov köşesıne deiıngı aralyqta jol bölıgınıŋ jūmystary jürgızıletın bolady.
Qonaev daŋǧylyn ötkel arqyly kölıkterdıŋ qozǧalysyn aşu 1 qyrküiekke deiın, al Rysqūlov köşesın köpırdıŋ qūrylysymen bırge kölıkterdıŋ qozǧalysy üşın aşu 1 qaraşaǧa deiın dep josparlanuda.
Jalpy jolairyq tolyǧymen jyl soŋynda paidalanuǧa berıledı.
Şahar basşysy injenerlık kommunikasiialardyŋ ornyn auystyru jūmystaryna kedergı keltırıp otyrǧan Rysqūlov–Qonaev köşelerınıŋ qiylsyndaǧy «Maiss» JQB nysanynyŋ mäselesın tezdetıp şeşudı tapsyrdy.
Şymkent qalasy äkımdıgınıŋ baspasöz qyzmetı
