Auǧanstandaǧy qazırgı jaǧdai Vetnamda 1973 jyldyŋ nauryzynda, AQŞ-tyŋ soŋǧy äskerlerı elden şyqqan kezdegı jaǧdaimen ūqsas. Būl turaly NATO-nyŋ būrynǧy joǧary därejelı äskeri qyzmetkerı jäne Briusseldegı qauıpsızdık jönındegı keŋesşısı Per Enro mälımdedı dep habarlaidy "Adyrna" ūlttyq portaly "RİA Novosti-ge" sılteme jasap.
«Menıŋ oiymşa, prezident Aşraf Ganidıŋ resmi Kabul ükımetı osy qyrküiekte soŋǧy amerikandyq sarbazdar ketkennen keiın eldı basqara almaidy», - dedı ol.
Sarapşy eger radikaldy «Taliban» qozǧalysy (Reseide tyiym salynǧan) basyp alynǧan territoriialarda emirat qūrsa, ol aimaqtarda batystyq qūndylyqtarǧa oryn qalmaitynyn jetkızdı.Osyǧan ūqsas pıkırdı Luvan katoliktık universitetınıŋ saiasi ǧylymdar fakultetınıŋ professory Lui Le Hardi de Bole de aitty. Ol Auǧanstandaǧy Taliban bilıgınıŋ bırınşı kezeŋı osyndai boljamdar jasauǧa mümkındık beretının atap öttı.
Sarapşylar sonymen bırge Auǧanstan aumaǧynda jäne odan tys jerlerde de gumanitarlyq problemalar bolatynyn boljady. Atap aitqanda, olar körşı elder men Europaǧa qaşatyn bosqyndar sanynyŋ artatynyn aitty.Per Enro men Lui Le Hardi de Bole söz arasynda Europa elderı men Taliban arasynda diplomatiialyq qatynastar ornatu mümkındıgıne kümänmen qaraitynyn da aityp qaldy.
"Adyrna" ūlttyq portaly.
Ūqsas jaŋalyqtar
