«Táni saýdyń jany saý» degen babalarymyzdyń ósıetin ardaqtap, Salaýatty ómir saltyn qalyptastyrýda deni saý jas urpaqty tárbıeleý maqsatynda elimizde kóptegen irgeli ister qolǵa alynyp, naqty jumystar atqarylyp jatyr.
Sport, ásirese jekpe-jek sport túrleri elimizegi sport salasynda jetekshi sport túri bolyp keledi. Halyqaralyq, álemdik deńgeıdegi jarystarda elimizdiń sportshylary qashan da bıik belesterdi baǵyndyryp, Qazaq eliniń abyroıyn asqaqtatqan sátteri az emes. Ójettilikti, batyrlyqty, aqyl men qaıratty qatar alyp júrgende ǵana jeńis shyńyna jete alasyz. Ata-babalarymyzdyń otan qorǵaýdaǵy qan maıdandaǵy erlikteri búgingi beıbit zamanda sporttyq jarystar kezinde urpaqtarynyń boıynan osylaısha kórinis taýyp otyr.
Jastardy tek qana sportqa baýlyp qoımaı, olardyń bilimdi hám rýhanı qundylyqtarmen sýsyndatý osyndaı almaǵaıyp zamanda eń bir qajetti tárbıe emes pe? Olardyń ártúrli dinı aǵymdardyń jeteginde ketpeı, ózimizdiń tól mádenıetimizdi, dástúrimizdi ustanyp, ulttyq múdde jolynda qyzmet jasaıtyn azamattardy qalyptastyrý, tarıhymyzda ótken batyr da dana babalarymyzdyń ónegeli ómirin úlgi etý bul endi ǵana jumysyn bastap jatqan «Kókjel» ulttyq jekpe-jek sport túrleri federaııasynyń basty maqsaty bolmaq.
Osyndaı sharalardyń biri jaqynda Almaty oblysy, Ile aýdany, Baıserke aýyldyq okrýginiń Jańa talap aýylynda ótken bokstan jasóspirimder arasyndaǵy halyqaralyq jarys. Jarysqa Reseı, Qyrǵyzstan, Ózbekstan men elimizdiń Astana, Taraz, Taldyqorǵan, Almaty, Aqtóbe, Qostanaı, Qyzyljar,Óskemen, Shymkent, Atyraý qalalarynyń jáne Almaty oblysynyń Jarkent, Mataı, Qaskeleń men Baıserke aýyldary ózderiniń komandalarynan jasaqtalǵan jas bylǵary qolǵap sheberleri qatysty. Qazaq kásipqoı boksynyń alǵashqy ardageri, elimizdiń maqtanyshy, QR eńbek sińirgen sportsheberi, eńbek sińirgen jattyqtyrýshy Qanat Sıqymbaev osy jarystyń bas tóreshisi boldy. Halyqaralyq dárejedegi tóreshiler Reseı Federaııasynan Esov A.F, AIBA dárejesindegi tóreshi Pol myrza, Samanbekov A.A, ulttyq kategorııadaǵy tóreshi Noǵataev B.T. jekpe-jekterge qazylyq jasap, sportshylar men jankúıerlerdiń alǵysyna bólendi.
Jańa talap aýylyndaǵy №25 mekteptiń sport alańynda olımpıadalyq rıng qurylyp ashyq aspan astynda ótken týrnır tórt kúnge jalǵasty. Osy tórt kún aýyldaǵy úlken merekege aınaldy. Jarystyń ashylý saltanatynda aýdan ónerpazdarynyń qatysýymen konerttik shara ótkizildi. Ile aýdanynyń ákimi Medeýova K. hanym óz sózinde osyndaı aýyldyq jerde iri halyqaralyq jarysty uıymdastyrǵan Jańatalap aýyly aqsaqaldar keńesiniń tóraǵasy Saǵynov Keńes Álıulyna, halyqaralyq dárejedegi tóreshi, KSRO sport sheberi Samanbekov Abaı Asylbekulyna, «Kókjal» federaııasynyń ókilderine óziniń úlken alǵysyn jetkizdi.
Jarystyń soǵy kúninde sportshylar men jankúıerlerdiń, jer-jerden kelgen qonaqtardyń qatysýymen Ile aýdanynyń qurmetti azamaty, Otan soǵysy jáne eńbek ardageri, Jańatalap aýylynyń tóraǵasy bolǵan Asanbaev Abdihamıt atanyń rýhyna arnap as berildi. As ústinde halqymyzdyń tarıhynan kóptegen ónegeli áńgimeler aıtylyp, babalarymyzdyń ıgi isteri dáripteldi. Kópti kórgen aqsaqaldar sportshylarmen ózderiniń ómirlik jolynyń taǵylymdy sátterimen bólisip, barshasyn shynaıy dostyqqa, elimizdiń ósip-órkendeýi jolynda aıanbaı eńbek etetin azamattar bolyp jetilýine tilekterin bildirip, batalaryn berdi.
2001 jyldan bastap 2008 jyly týǵan jasóspirimder arasyndaǵy jarysta Qyrǵyz Respýblıkasynyń kómandasyn jattyqtyratyn Álem chempıony, Azııa qurlyǵynyń eki márte jeńimpazy, olımpıada oıyndaryna qatysýshysy, Bishkek qalasyndaǵy olımpıadalyq sport rezervteri mektebiniń aǵa jattyqtyrýshysy Qydyralıev Talaıbektiń shákirtteri 56 kg jáne +81 kg salmaq dárejelerinde altynan alqa taqty. Reseı Federaııasy men Ózbekstan komandalary bir-bir altyn medalǵa qol jetkizdi. Elimizdiń Qyzylorda qalasyndaǵy №13 sport mektebiniń boksshylary 24, 32, 40 kg salmaq dárejelerinde jeńimpaz atanyp, jalpykomandalyq esepte birinshi orynǵa qol jetkizdi.
Aýyldyq jerde ótken halyqaralyq deńgeıdegi týrnır aýyldaǵy talaı jasóspirimniń sanasyna oı salyp, jigerin janyǵan shara boldy. Aýyl sportyn damytý elimizde áli de bolsa qoldaýdy qajet etedi. «Kókjal» federaııasy aýyldyq jerdegi sportty damytý baǵytynda aldaǵy ýaqytta naqty jumystar atqaratyn bolady. Almaty oblysy, Ile aýdany, Baıserke aýyldyq okrýgine qarasty alty aýyldyq eldi-meken bar eken. Halqy tyǵyz ornalasqan osy aımaqta sport úıirmeleri jetispeıdi. Osy okrýgtegi onǵa tarta mekteptiń sport zaldarynan boks, kúres jáne aralas jekpe-jek túrlerinen úıirmeler ashyp, kópbalaly otbasylar men áleýmettik jaǵdaıy tómen, tolyq emes otbasylardyń balalaryna jeńildikter men tegin qatysýǵa múmkindik jasaıdy. Bul jóninde jergilikti aýyl ákimdikterimen arnaıy memarandýmǵa otyryp, uıymdastyrý jumystary qolǵa alyndy. Bolashaqta osy ıgi isterdiń jemisin kóretin kún de alys emes.
Ardaq Berkimbaı
«Kókjal» sport klýby birlestiginiń
Almaty qalasy jáne oblysy boıynsha jetekshisi.
