Şymkent qalasy turizm jäne syrtqy bailanystar basqarmasyna qarasty «Visit Shymkent» turistık-aqparattyq ortalyǧy» KMM-ı jyl basynan berı 5 476 adamǧa anyqtamalyq-konsultasiialyq qyzmet körsettı.
Būl turaly basqarma basşysynyŋ mındetın atqaruşy Arman Särsenov @akimat_shymkent instagram paraqşasynda ötken tıkelei efirde 5 aida atqarylǧan jūmystary turaly baiandamasynda mälımdedı.
Şymkent qalasy turizm jäne syrtqy bailanystar basqarmasynyŋ negızgı maqsaty – ışkı turizmdı damytu jäne turistık saladan tüsetın tabysty arttyru. Būl rette, turizmdı damytudyŋ 5 baǧyty aiqyndalyp otyr. Olar: jüielık ıs-şaralar, turistık infraqūrylymdy jaqsartu, marketingtık ılgerıletu, syrtqy bailanystardy jäne medisinalyq turizmdı damytu.
«Visit Shymkent» turistık-aqparattyq ortalyǧynyŋ negızgı maqsaty – turister men qala qonaqtaryna «bır tereze» qaǧidasy boiynşa aqparattyq-konsultativtık kömek körsetu. Qala aumaǧynda turister köp şoǧyrlanatyn oryndarda (äuejai, temır jol vokzaly, saiabaqtar men Arbat) 7 aqparattyq düŋgırşek qyzmet atqarady.
Qalada ornalasqan aqparattyq kioskıler tarapynan jyl basynan anyqtamalyq-konsultasiialyq qyzmet körsetılıp keledı (AQŞ, Ūlybritaniia, Ündıstan, Majarstan, Resei, Koreia, Özbekstan jäne t.b.). Qonaqtarǧa qala turaly büktemeler, kıtapşalar jäne kartalar taratylyp, 55 ekskursiia ötkızıldı.
Qaladaǧy turizm salasyna qajettı nysandardyŋ jaǧdaiyn anyqtau üşın tügendeu jūmystary jürgızıldı. Turistık nysandardyŋ derek qory jasaqtalyp, saualnama tüzıldı. Şymkenttıŋ turistık äleuetın ılgerıletu maqsatynda jyl basynan berı bırqatar mekemelermen 13 memorandumǧa qol qoiyldy.
Şymkent qalasy äkımdıgınıŋ baspasöz qyzmetı
