28 mausym – būqaralyq aqparat qūraldary qyzmetkerlerınıŋ merekesıne orai Şymkent qalasynyŋ äkımı Mūrat Äitenov bırqatar jurnalisterdı marapattady.
Jiynda BAQ salasynda adal eŋbek etıp jürgen barşa azamattarǧa alǧys aityp, ızgı tılegın joldady.
- Aqparat salasy – qoǧamdyq pıkır qalyptastyruşy ǧana emes, qoǧamdyq sanany qalyptastyruşy sala. Sızder ūlt müddesın bärınen biık qoiyp, el qamy üşın qasiettı qalam sertın adal atqaryp kelesızder. Memleket pen qoǧamnyŋ arasyna altyn köpır bolyp, qaşan da qainaǧan tırşılık ortasynan tabylasyzdar. Pandemiia jaǧdaiynda da töngen qauıptı elemei, halyqqa şūǧyl aqparat taratyp, aianbai eŋbek ettıŋızder. Jaqsylyqtyŋ jarşysy bolyp, ūltqa qyzmet etudıŋ ǧajap ülgısın körsete berıŋızder! - dedı qala äkımı.
Sonymen bırge, merekelık şarada qalanyŋ qoǧamdyq-saiasi, äleumettık-ekonomikalyq jäne mädeni ömırındegı jaŋalyqtardy, jaqsy ısterdı köpşılıkke jetkızıp, türlı mäselelerdı şeşu jolynda belsene qalam tartqany, sondai-aq, joǧary käsıbilıgı, şynşyldyǧy üşın jurnalisterge tölbelgıler men arnaiy nominasiialar tabystady.
Bügıngı taŋda Şymkent qalasynda 176 būqaralyq aqparat qūraldary jūmys jasauda. Onyŋ ışınde – 123-ı merzımdı baspasöz basylymdary, 106 gazet, 17 jurnal, 4 telearna, 2 radio jäne 47 aqparattyq portal. Atalǧan BAQ-tyŋ 95-ı nemese 58% memlekettık tılde, 28-ı memlekettık jäne orys tılderınde, 52-ı orys tılınde, 1-uı özbek tılınde şyǧarylady. Olar üşınşı megapoliste atqarylyp jatqan igı ısterdıŋ tiımdı nasihattaluyna atsalysyp keledı.
Şymkent qalasy äkımdıgınıŋ baspasöz qyzmetı
