«Jas ǧalym» jobasy aiasynda 1000 jam mamanǧa grant bölu üşın 3 mlrd teŋge bölınetın boldy, dep "Adyrna" ūlttyq portaly Qazaqparatqa sılteme jasai otyryp habarlaidy. Būl turaly Prezidenttıŋ baspasöz hatşysy Berık Uäli Facebook paraqşasynda jazdy.
Memleket basşysy Qasym-Jomart Toqaev 2020 jyly «Jaŋa jaǧdaidaǧy Qazaqstan: ıs-qimyl kezeŋı» atty Joldauynda ǧylym salasyn damytu boiynşa naqty tapsyrmalar bergen bolatyn. «Ükımetke jyl saiyn älemnıŋ jetekşı ǧylymi ortalyqtarynda 500 ǧalymnyŋ taǧylymdamadan ötuın qamtamasyz etudı, sondai-aq, «Jas ǧalym» jobasy aiasynda zertteu jürgızu üşın 1000 grant böludı tapsyramyn», - degen bolatyn Prezident.Berık Uälidıŋ deregı boiynşa, bügınde atalǧan ekı tapsyrma da oryndalyp otyr.
«Älemnıŋ jetekşı ǧylymi ortalyqtarynda taǧlymdamadan ötu üşın ǧalymdarǧa bölıngen 500 grantty, sondai-aq, «Jas ǧalym» jobasy boiynşa jas ǧalymdarǧa arnalǧan 1000 grantty qarjylandyru mehanizmderı anyqtaldy. Ǧalymdarǧa taǧlymdamadan ötuge bölıngen 500 grantty qarjylandyru üşın 1,35 mlrd teŋge kölemınde biudjettık ötınım qabyldandy», - dep jazylǧan Prezidenttıŋ baspasöz hatşysy ūsynǧan mälımette.Sondai-aq, taǧlymdamadan ötu erejelerı pysyqtalyp, ümıtkerlerdı ırıkteudıŋ talaptary äzırlenı, taǧylmdamadan ötkısı keletın 1000 jas ǧalymnyŋ mälımetter qory jasaqtalǧany da aitylǧan Al «Jas ǧalym» jobasy aiasynda baiqaudy qarjylandyruǧa 3 mlrd teŋge bölu maqūldanǧan.
Aqparat inform.kz saitynan alyndy
Ūqsas jaŋalyqtar
