Memleket basşysynyŋ tapsyrmasyna säikes Aqtöbe oblysynda mümkındıgı şekteulı jandardy keşendı oŋaltatyn jäne olardy qarapaiym äleumettık mädeni ömırge yqpaldastyratyn belsendı şaralar qabyldanuda dep habarlaidy "Adyrna" ūlttyq portalynyŋ tılşısı.
Oblys äkımı Oŋdasyn Orazalin jyl basynan berı memlekettık tapsyrys aiasynda balalar men eresekterge arnaiy äleumettık kömek körsetıp jatqan ekı oŋaltu ortalyǧynyŋ qyzmetımen tanysty. Sonyŋ bırı —
"Malika" äleumettık oŋaltu ortalyǧy. Mūnda 16 jasqa deiıngı balalarǧa qyzmet körsetıledı.
"Bızde tırek-qimyl, jürek-qan tamyr, tynys alu jüielerı nauqas, köruı, estuı naşar balalar bar. Olarmen 15 kün boiy psiholog, emdık dene şynyqtyru nūsqauşysy, massaj jasauşy, logoped-defektolog, pediatr syndy bılıktı mamandar jūmys ısteidı", — deidı ortalyq direktory Şara Jarylǧasova.
Ortalyqty qarau barysynda oblys basşysy Oŋdasyn Orazalin jas emdeluşılermen jäne olardyŋ ata-analarymen äŋgımelesıp, uäkılettı ökılderge mümkındıgı şekteulı büldırşınderge arnalǧan balabaqşa aşu mäselesın şeşuge qoldau körsetudı tapsyrdy.
Öŋır basşysy sondai-aq, "Roza" ortalyǧyndaǧy nauqastarǧa arnalǧan oŋaltu ortalyǧyna da bardy.
Bügınde Aqtöbe oblysynda mümkındıgı şekteulı 27,5 myŋdai adam tūrsa, onyŋ 4,5 myŋǧa juyǧy — 18 jasqa deiıngı balalar.
Biyl öŋırde balalarǧa arnalǧan ekı jäne eresekterge arnalǧan bır mamandandyrylǧan ortalyqta oŋaltu qyzmetterın körsetu üşın memlekettık tapsyrys berıldı. Qazırgı taŋda aumaǧy 3 myŋ şarşy metr bolatyn taǧy bır ülken zamanaui oŋaltu ortalyǧyn aşu üşın yŋǧaily ǧimarat ızdestırılıp jatyr.
Sondai-aq «Nur Otan» partiiasynyŋ "Özgerıster joly: Är azamatqa laiyqty ömır!" atty sailaualdy baǧdarlamasy aiasynda mamandandyrylǧan sporttyq nysannyŋ jäne t.b. qūrylysy bastaldy.
"Medisinalyq, äleumettık oŋaltu qyzmetterıne sūranys joǧary. Memleket basşysynyŋ tiıstı tapsyrmasy bar. Osy jyldan bastap atalmyş baǧytty damytuǧa biudjetten qosymşa qarajat böldık. Būl baǧyttaǧy jūmystar jalǧasatyn bolady",- dep atap öttı oblys äkımı Oŋdasyn Orazalin.
"Adyrna" ūlttyq portaly.
