Qyrǵyzstannyń Syrtqy ister mınıstrligi Aýǵanstannan Tájikstanǵa qashyp ketken etnıkalyq qyrǵyzdar máselesi boıynsha qabyldanyp jatqan sharalar týraly aıtty dep habarlaıdy "Adyrna" ulttyq portaly.
Mınıstrlik BUU-nyń bosqyndar isi jónindegi Joǵarǵy komıssaryna olardy Qyrǵyzstanǵa evakýaııalaýdy uıymdastyrýǵa kómek surady. Mınıstrlik sondaı-aq Tájikstannyń Syrtqy ister mınıstrligine Aýǵanstan qyrǵyzdarynyń qyrǵyz-tájik shekarasynyń ótkizý pýnktine ótýine kómek kórsetý týraly nota jiberdi.
Tájikstan Ulttyq qaýipsizdik memlekettik komıtetiniń shekara áskerleriniń sońǵy aqparatyna sáıkes, 13-14 shildede aýǵannyń 347 etnıkalyq qyrǵyzy Tájikstan aýmaǵyna ótip ketken. Onyń ishinde 91-i er adam, 77-si áıel jáne 177-si — kámeletke tolmaǵan balalar. Shekaradan ótý kezinde eki sábı qaıtys boldy.
Eske salaıyq, Amerıka áskerleri Aýǵanstannan ketip jatqanda, Vashıngton Ortalyq Azııadan strategııalyq seriktester izdeýde.
Osy aptada BAQ Baıden ákimshiligi Qazaqstan, Tájikstan jáne Ózbekstannan NATO kúshteri shyǵarylǵanǵa deıin shamamen 9000 Aýǵanstan azamatyn ýaqytsha ornalastyrýdy surady dep habarlady.
"Adyrna" ulttyq portaly.
