Biyl Maŋǧystau oblysynda halyqty sumen qamtudyŋ 5 jylǧa arnalǧan baǧdarlamasy aiasynda «Kaspii» su tūşytu zauytynyŋ quatyn 40 myŋ tekşe metrge deiın jetkızu közdelude dep habarlaidy "Adyrna" ūlttyq portalynyŋ tılşısı.
Biyl būl jobanyŋ ekınşı kezeŋı bastaldy. Būl jūmystardy jyl soŋyna deiın aiaqtau josparlanǧan. Būl jobaǧa qarjy bölıngen.
— Sonymen qatar Qarajanbas ken ornynda täulıgıne 17 myŋ tekşe metr su tūşytu zauyty biyl ıske qosylady. Zauyt ıske qosylǧannan keiın «Astrahan-Maŋǧyşlaq» su qūbyrynan bosaityn su kölemın öŋırde qaldyru – būl auyz su kölemın ūlǧaituǧa mümkındık beredı, — dedı oblys äkımı S.Trūmov Ükımettıŋ keŋeitılgen otyrysynda söilegen sözınde.
Jaŋaözen qalasyn tolyqtai sumen qamtamasyz etu üşın «Kendırlı» kurorttyq aimaǧynda täulıgıne 50 myŋ tekşe metr su tūşytatyn zauyt salu közdelıp otyr. Bügınde «QazMūnaiGaz» kompaniiasymen Kendırlı aimaǧynda salynatyn zauyttyŋ qūrylys jūmystaryn bastauǧa qūjattar räsımdelude. Sondai-aq aldaǧy uaqytta Qūryq, Fort-Şevchenko, Saiyn men Aqşūqyr auyldarynda su tūşytu qondyrǧylaryn salu da josparlanyp otyr. Aita ketu kerek, atalǧan otyrysta Memleket basşysy Qasym-Jomart Toqaev Ükımetke Maŋǧystaudaǧy sumen qamtuǧa baǧyttalǧan jobalarǧa qoldau bıldırıp, jüzege asyrudy tapsyrǧan bolatyn. Būl jobalardyŋ barlyǧy öŋır basşysynyŋ baqylauynda.
"Adyrna" ūlttyq portaly.
