Memeket basshysy Qasym-Jomart Toqaevtyń ótinish berýshilermen aradaǵy jumys sapasyn arttyrý týraly tapsyrmasyn oryndaýǵa baǵyttalǵan taǵy bir joba tolyq iske asty, dep habarlaıdy «Adyrna» ulttyq portaly QazAqparatqa silteme jasap.
Bul týraly Prezıdenttiń bapasóz hatshysy Berik Ýálı Facebook paraqshasynda jazdy.
Prezıdent Qasym-Jomart Toqaev jyl basyndaǵy Úkimettiń keńeıtilgen otrysynda azamattardyń ótinishterin esepke alý isin jetildirýdi tapsyrǵan bolatyn.
«Ótinish berýshilermen aradaǵy jumys sapasyn arttyrý úshin jańa «E-ótinish» aqparattyq júıesin jáne «Nátıje» ortalyqtaryn ashýǵa tapsyrma berildi. Atalǵan júıe 1 shildege deıin barlyq memkelekettik organdarda iske qosylýy tıis», - degen bolatyn Prezıdent.
Berik Ýálıdiń aıtýynsha, 1 shildeden beri «E-ótinish» aqparatty júıesi jáne halyqqa qyzmet kórsetý ortalyqtary janynda «Nátıje» jobasy jumys istep tur.
«E-ótinish» júıesi ótinishterdi qaraýǵa baılanysty artyq bıýrokratııalandyrýdy boldyrmaıdy jáne azamattarǵa óz ótinishteriniń memlekettik organdarda qaralý barysyn qadaǵalaýǵa múmkindik beredi», - dep jazady Prezıdenttiń baspasóz hatshysy.
Keltirilgen derek boıynsha, búginde bul aqparattyq júıege 38 myńnan astam uıym «memlekettik organdar men melekettik uıymdar) qosylǵan jáne 160 myńnan astam qyzmetker jumys isteıdi. «Barlyq «Azamattarǵa arnalǵan úkimet» kommerııalyq emes akıonerlik qoǵamynyń bazasynda ótinishterdi qabyldaıtyn jáne azamattarǵa ótinishti rásimdeý kezinde konsýltaııalyq kómek beretin 259 «Nátıje» ortalyǵy quryldy», - dep jazylǵan málimette.
