Memeket basşysy Qasym-Jomart Toqaevtyŋ ötınış beruşılermen aradaǧy jūmys sapasyn arttyru turaly tapsyrmasyn oryndauǧa baǧyttalǧan taǧy bır joba tolyq ıske asty, dep habarlaidy «Adyrna» ūlttyq portaly QazAqparatqa sılteme jasap.
Būl turaly Prezidenttıŋ bapasöz hatşysy Berık Uäli Facebook paraqşasynda jazdy.
Prezident Qasym-Jomart Toqaev jyl basyndaǧy Ükımettıŋ keŋeitılgen otrysynda azamattardyŋ ötınışterın esepke alu ısın jetıldırudı tapsyrǧan bolatyn.
«Ötınış beruşılermen aradaǧy jūmys sapasyn arttyru üşın jaŋa «E-ötınış» aqparattyq jüiesın jäne «Nätije» ortalyqtaryn aşuǧa tapsyrma berıldı. Atalǧan jüie 1 şıldege deiın barlyq memkelekettık organdarda ıske qosyluy tiıs», - degen bolatyn Prezident.Berık Uälidıŋ aituynşa, 1 şıldeden berı «E-ötınış» aqparatty jüiesı jäne halyqqa qyzmet körsetu ortalyqtary janynda «Nätije» jobasy jūmys ıstep tūr. «E-ötınış» jüiesı ötınışterdı qarauǧa bailanysty artyq biurokratiialandyrudy boldyrmaidy jäne azamattarǧa öz ötınışterınıŋ memlekettık organdarda qaralu barysyn qadaǧalauǧa mümkındık beredı», - dep jazady Prezidenttıŋ baspasöz hatşysy.
Keltırılgen derek boiynşa, bügınde būl aqparattyq jüiege 38 myŋnan astam ūiym «memlekettık organdar men melekettık ūiymdar) qosylǧan jäne 160 myŋnan astam qyzmetker jūmys ısteidı. «Barlyq «Azamattarǧa arnalǧan ükımet» kommersiialyq emes aksionerlık qoǧamynyŋ bazasynda ötınışterdı qabyldaityn jäne azamattarǧa ötınıştı räsımdeu kezınde konsultasiialyq kömek beretın 259 «Nätije» ortalyǧy qūryldy», - dep jazylǧan mälımette.
