Qazaqstandyqtar jalpy mölşerı 22,3 mlrd teŋge bolatyn memlekettık jinaqtau jüiesı boiynşa 16 myŋnan astam bılım beru depozitın aşqan dep habarlaidy "Adyrna" ūlttyq portaly.
QR Bılım jäne ǧylym ministrlıgı mälımdegendei, elımızde būǧan deiın köptegen azamattar özderınıŋ nemese balalarynyŋ bılım aluyna aqşalai qarajat jinaqtau üşın «AQYL» bılım beru jinaqtau salymdaryna qarjy jinaǧan.
Atalǧan jinaqtauşy salym jüiesın qoldaudyŋ basty artyqşylyǧy — 9%-ǧa deiıngı banktık syiaqydan basqa, qazaqstandyqtardyŋ salymdaryna memlekettık syilyqaqy esepteledı. Būl artyqşylyq halyqtyŋ äleumettık osal toptary üşın de qarastyrylǧan.«Memleket syilyqaqynyŋ jyldyq mölşerı 5%-dy, halyqtyŋ äleumettık osal toptary üşın jinaqtalǧan somanyŋ 7%-yn qūraidy. Būl rette banktık syiaqy men memlekettıŋ syilyqaqysy kapitaldandyrylady, iaǧni negızgı salymǧa qosylady. «AQYL» bılım beru jinaqtau salymdary depozittık naryqta eŋ joǧary kırıske ie ekenın aita ketken jön. Osylaişa, memleket ata-analarǧa balany oqytuǧa ketetın şyǧyndardy jäne otbasylyq biudjetke tüsetın jüktemenı edäuır azaituǧa kömektesedı», – dep habarlady QR BǦM.
Būdan basqa, bılım beru depozitı Qazaqstannyŋ depozitterge kepıldık beru qorymen saqtandyrylǧan jäne memleket pen üşınşı tūlǧalar tarapynan da kez kelgen şekteuler men öndırıp alulardan qorǧalǧan. Būl memlekettık bılım beru jinaqtau jüiesı şeŋberınde aşylǧan depozitke tyiym sala almaityndyǧyn bıldıredı.«Depozittı memlekettık bılım beru jinaqtau jüiesınıŋ serıktes bankterınde aşuǧa bolady. Salymşy otbasylyq biudjettıŋ mümkındıkterı men jüktemesıne bailanysty salymdy tolyqtyrudyŋ mölşerı men jüielılıgın özı anyqtaidy. Bılım beru depozitın kassalar, internet-banking, sondai-aq kartadan jinaqtauşy şotqa audaru arqyly tolyqtyruǧa bolady. Būl salymşylardyŋ uaqytyn aitarlyqtai ünemdeidı», – dep naqtylady ministrlıktegıler. Osylaişa tülekter grantqa tüsken jaǧdaida salymşy barlyq qarajatty bank syiaqysymen jäne memleket syilyqaqysymen bırge şottan aluǧa qūqyly. Sondai-aq ol qarajatty üşınşı tūlǧanyŋ bılım beru salymyna audara alady nemese magistratura boiynşa oquyn töleu üşın jinaudy jalǧastyruyna bolady. Memlekettık bılım beru jinaqtau jüiesı aiasynda oqytu geografiiasyna bailanysty şekteuler joq. Iаǧni, jinaqtardy qazaqstandyq kolledjder men joǧary oqu oryndarynda, sondai-aq şetelde oqu aqysyn töleu üşın de paidalanuǧa bolady. Tehnikalyq, joǧary jäne joǧary oqu ornynan keiıngı bılım aluǧa «AQYL» bılım beru depozitın jasyna qaramastan barlyq qazaqstandyq aşa alady.
"Adyrna" ūlttyq portaly.
