Máskeý qalasynda Elbasy N.Á.Nazarbaevtyń qatysýymen túsirilgen Olıver Stoýnnyń "Qazaq: Altyn adamnyń tarıhy" atty eki saǵattyq derekti fılmniń jabyq kórsetilimi boldy. Olıver Stoýnǵa Elbasy Qazaqstanǵa 20 mlrd dollar usynǵanyn aıtqan.
"Biz ıadrolyq qarý jaǵynan álemdegi tqrtinshi arsenalǵa ıe boldyq. Maǵan Margaret Tetcher, Djeıms Beıker kele bastady. Olardyń barlyǵy kelip, "Zymyrandardy ne isteısiz?" dep surady," - deıdi Elbasy.
Qazaqstannyń qazirgi prezıdenti Qasym-Jomart Toqaev 1994—1999 jyldary Syrtqy ister mınıstri qyzmetin atqarǵan sátte, kóptegen musylman elderinen hattar ala bastady. Onda ıslam elderi "Qazaqstan álemdegi ıadrolyq qarýy bar jalǵyz ıslam memleketi ekenin, qarýdy saqtaý qajettigin" jazypty. Sondaı hattyń birinen keıin Qazaqstanǵa Palestına qlttyq ákimshiliginiń tóraǵasy Iasır Arafat is-saparmen keledi.
"Ol kelgen soń óz atynan emes, dostaryńyzdyń atynan keldim dedi. Ony ıadrolyq qarý jaǵyn bilý úshin Mýammar Kaddafı jiberipti. Árıne meniń oıymda ol zymyrandardy satý oıymda da bolmady. Men ol zymyrandardy saqtaý óte qymbat ekenin, Qazaqstannyń shamasy jetpeıtinin aıttym. "Qansha qarjy kerek" dedi ol. Ol kezde qarjy jaǵyn baǵamdaý qıyndaý edi, ásirese dollar boıynsha. Sondyqtan qaljyńdap, 20 mlrd dollar deı saldym. Jaı ǵana. Men buny qaljyń dep oıladym. Alaıda Iasır Arafat shynaıy turǵydan "Men sizdiń sizdiń sózińizdi jetkizemin, sizde ondaı qarjy bolady" dedi",- dep Elbasy bir tarıhı syrmen bólisken.
Elbasy derekti fılmde qarjynyń túspegenin, túsken jaǵdaıda da almaıtynyn aıtqan.
"Adyrna" ulttyq portaly
