Düniejüzılık densaulyq saqtau ūiymynyŋ basşysy Tedros Adanom Gebreiesus COVID-19 auruyn tudyratyn SARS-CoV-2 koronavirusy Qytaidyŋ Uhan qalasynyŋ zerthanasynda paida boldy jäne taraldy degen nūsqany tolyqtai joqqa şyǧaruǧa äzır erte ekenın mälımdedı dep habarlaidy «Adyrna» ūlttyq portaly «centralasia.media-ǧa» sılteme jasap.
«Men özım laborant boldym, immunologpyn, zerthanada jūmys ıstedım jäne mūndai jaǧdailar zerthanada bolatynyn bılemın. Mūndai jaǧdai keide bolady», - dedı DDŪ basşysy.
Gebreiesus bolǧan jaǧdaidy tekseru pandemiianyŋ taraluyna qandai da bır zerthanalardyŋ qatysy bar-joǧyn anyqtau üşın öte maŋyzdy ekenın atap öttı.
«Bızge aqparat qajet, pandemiia bastalǧanǧa deiın jäne osy zerthanada qandai jaǧdai bolǧandyǧy turaly tıkelei aqparat kerek», - degen ol Qytaidyŋ osy mäselenı şeşu üşın yntymaqtastyqqa daiyn ekendıgın atap öttı.«Eger bız tolyq aqparat alsaq, būl zerthananyŋ pandemiianyŋ taraluyna qatysy bar degen boljamdy joqqa şyǧara alamyz», - dedı DDŪ basşysy.
Aita ketu kerek, biylǧy jyl basynda DDŪ-nyŋ arnaiy toby pandemiianyŋ sebepterın zertteu üşın alǧaş koronavirus anyqtalǧan Uhan qalasyna barǧan edı. Sol kezde sarapşylar virustyŋ şyǧuynyŋ tört nūsqasyn qarastyrdy: adamnyŋ jarqanattardan tıkelei infeksiia jūqtyruy, ortada basqa da januardan jūqtyru deregı, tamaq önımderı arqyly berıluı jäne jasandy şyǧaru deregı, iaǧni zerthanada jasaluy.Nätijesınde nauryz aiynda ūiym ökılderı tergeudıŋ aldyn-ala nätijelerın jariialady. Onda «virus zerthanada jasaldy» degen boljam müldem şyndyqqa janaspaityny aitylǧan. Naqty derekter alda belgılı bolmaq.
"Adyrna" ūlttyq portaly.