Stıvenson kelgen jyl

2283
Adyrna.kz Telegram

(Sırek sýrettiń syry)

1999 jyly Kýba boksynyń maıtalmandary qazaq jerine kelip, birlesken komandalyq jattyǵý ótkizdi. Solardyń ortasynda bokstyń báıteregi, úsh dúrkin Olımpıada chempıony, ataqty Teofılo Stıvenson júrdi. Osy saparynda tóbesi kók tiregen tegeýrindi Teofılo jýrnalıstermen de júzdesti. Jan-jaqtan suraqty jaýdyra jóneldik.

"Jalpy, bul ómirde neden qorqasyz?" - dep ázildep suraq qoıǵan áriptesimizge "Áıelimnen qorqam. Ol - bizdiń qalanyń prokýrory" - dep qarymta qaljyńmen jaýap berdi. Sol joly tisqaqqan Teofılonyń joıqyn soqqyny ǵana emes, tili men jaǵyna súıengen tilshilerdiń shabýylyn da toıtaryp tastaı alatynyna kóz jetkizgenbiz. Aıtpaqshy, Alataýdyń eteginde aıaǵyn syltyp basyp júrgen Stıvensondy sportshylar dárigeri Jeńis Aıazbekov aǵamyz kórip qalyp, bas-aıaǵy jıyrma kún ishinde iz qaldyrmaı emdep jibergen kórinedi. Sol kúnderde túsken sýret...

Alpamsadaı Ábdisalan aǵam, áıgili bapker Tursynǵalı Edilov, belgili sport jýrnalısi Qydyrbek Rysbekovtiń Kýba boksynyń arystanyn ortaǵa alyp tura qalǵan sáti. Burynǵy bir sát - búgingi tutas tarıh!

Baýyrjan OMARULY

Pikirler