Jazıraly Jarkentte 4 jyl aldyn el ıgiligine berilgen bilim ordasynyń qabyrǵalarynda jaryqtar paıda bolǵan. Nysannyń jalpy smetalyq qujatyna 1mlrd. 21 myń teńge bólinip, "Almatykýlbytstroı" merdiger kompanııasy jaýapkershilkti óz moıyndaryna alǵan bolatyn. Atalǵan kompanııa mekteptiń qurylysyna 3 jyldyq kepil merzim bergen.
Jelide lezde taraǵan qabyrǵalary sógilgen bilim oshaǵynyń sýreti eldi dúrliktirgeni jasyryn emes. Alaıda, mektep qabyrǵasyndaǵy bul syzattar 2019 jyly paıda bolǵan eken.
Osydan eki jyl buryn mekteptiń syrtqy qabyrǵalarynda syzyq paıda bolǵan sátte mektep ákimshiliginiń shaǵymy negizinde ákimdik, prokýratýra jáne antıkorrýpııa tekseris júrgizedi. Arnaıy mamandardyń tekseris nátıjesinde mekteptiń keıbir bóliginde syrtqy sylaǵy qalyń jaǵylǵany anyqtalǵan. Al, mekteptiń negizgi qabyrǵasy qyzyl kirpishten salynǵan. Ol tolyqtaı talapqa saı, qaýipsiz. Merdiger kompanııa kepildik negizinde mekteptiń syrtqy sylaǵyn júrgizip shyǵady.
Eki jyl buryn qabyrǵasynda syzat paıda bola bastaǵan bilim ordasynyń búgingi kelbeti ózgerissiz, bıyl da nysannyń keregesinde jaryqtar paıda bolǵan. Merdiger kompanııanyń bergen kepildik merzimi óz shegine jetkendikten, jergilikti ákimdik únemdelgen qarjydan únemdelgen qarjydan 15 mln teńge bólip, konkýrs negizinde utyp alǵan qurylys kompanııasy jóndeý jumystaryn júrgizýde.
