Medıına qyzmetkerleriniń kásibı merekesinde oblys ákimi Serikbaı Trumov bir top dárigerdi QR Densaýlyq saqtaý mınıstrliginiń «Eńbek Ardageri», «Densaýlyq saqtaý isine qosqan úlesi úshin» jáne «Densaýlyq saqtaý isiniń úzdigi» tósbelgisimen jáne Qurmet gramotalarymen marapattady dep habarlaıdy "Adyrna" ulttyq portalynyń tilshisi.
Saltanatty sharada S.Trumov Mańǵystaý oblysynyń densaýlyq saqtaý salasynyń damýyna zor úles qosqan 20 medıınalyq mekemege 100 000 teńgelik sertıfıkattar tabystady.
Mańǵystaý oblysynyń ákimi dárigerlerdi kásibı merekelerimen quttyqtap, qaterli indetke qarsy arpalystyń aldyńǵy shebinde júrgen mamandarynyń tabandy eńbekterine tabys tiledi.
«Búgingi kúni adam ómirin qorǵaýda óz basyn qaterge tigip júrgen jandarǵa qandaı qurmet kórsetilse de artyq etpeıdi. Bul jetistikter – búgingi tańda qyzmet atqaryp jatqan bir jarym myń dáriger men 6 myńnan astam orta býyn medıına qyzmetkerleriniń eńbeginiń nátıjesi dep bilemiz. Olardyń ishinde óz qyzmetine adal, bilimdi dárigerler men meıirbıkeler az emes»,- dedi S.Trumov.
Onyń aıtýynsha, táýelsizdik alǵaly beri Mańǵystaý oblysynda 150-den astam densaýlyq saqtaý nysany iske qosylǵan. Ozyq úlgidegi Ana men bala úıi, qan ortalyǵy, kardıo hırýrgııa ortalyǵy ashylyp, em alý úshin alysqa sabylatyn turǵyndarǵa oblys aýmaǵynda emdelip, kúrdeli otalardy jasaýǵa múmkindik týdy. Byltyr jedel-járdem avtoparki 100%-ǵa jańaryp, talapqa saı, qajetti medıınalyq quraldarmen tolyq jabdyqtalǵan jańa kólikter salyp alyndy.
Aqtaý qalasynyń shaǵyn aýdandarynda qadamdyq qoljetimdilik qaǵıdaty boıynsha jańa medıınalyq ortalyqtar ashyldy. Onda turǵyndardyń em qabyldap, dıagnostıka jasaýy úshin barlyq jaǵdaı jasalǵan. Sońǵy úlgidegi zamanaýı qural-jabdyqtarmen zertteýden ótýge, qajetti taldaýlardy tapsyrýǵa, emshara kabınetiniń qyzmetterin alýǵa bolady.
Óńirde osy jyly kópsalaly balalar aýrýhanasynda shuǵyl balalar hırýrgııasynyń bólimi ashyldy. Aldaǵy ýaqytta halyqaralyq deńgeıdegi ınnovaııalyq qurylǵylarmen jabdyqtalǵan bul bólimshe myńdaǵan balanyń ómirin saqtaıtyn ortalyqqa aınalmaq.
Oblysta ana men bala ómirin qorǵaý boıynsha da keshendi jumystar jasalýda. Bıyl tabıǵı ósim bir jarym esege artyp, 5 aıda 9 myńnan asa bala dúnıege keldi. Ana ólimi tirkelgen joq.
"Adyrna" ulttyq portaly.
