Sońǵy jyldary elimizdiń kóp óńirinde tigin fabrıkalary ashylyp jatyr. Bul — aldaǵy ýaqytta óz ónimimizdi tutynamyz degen sóz. Kórshi jáne shet elderdiń brendine "júgirmeı", otandyq ónimdi nasıhattaıtyn ýaqyt jetti.
Byltyr "A-Textile" JShS Aqtóbede tigin fabrıkasyn ashty. Kezinde tanymal bolǵan úlken fabrıkanyń izin basqan bul óndiris ornynda qazir 60 adam eńbek etedi. Bıyl fabrıka jyl aıaǵyna deıin 240 myń dana ónim shyǵarýdy josparlap otyr. Qazir munda er jáne áıelderge arnalǵan fýtbolka, sporttyq jáne ish kıimder, balalarǵa arnalǵan sporttyq kıimder men pıjamalar tigiledi.
Tigin fabrıkasyn ashýǵa aqtóbelik kásipkerler 430 mln teńge ınvestıııa salǵan.
"A-Textile" JShS-nyń kommerııalyq dırektory Sabyrjan Balmurzıevtiń aıtýynsha, qazirgi tańda fabrıka birinshi kezeń boıynsha qarqyndy jumys jasaýda.
— Aqtóbe tigin fabrıkasyn ashýǵa osy óńirdegi belgili kásipkerler atsalysyp, ınvestıııa "quıdy". Ótken jyly pandemııa kezinde bizdiń jumysymyz biraz turyp qaldy. Qazir munda jalpy sany 60-tan astam adam eńbek etip jatyr. Barlyǵy is-tájirıbeden ótip, mamandyǵy boıynsha jumysqa alyndy. Aldaǵy ýaqytta oblystaǵy birqatar kolledjder men Qudaıbergen Jubanov atyndaǵy Aqtóbe óńirlik ýnıversıtetiniń dızaın mamandyǵynda oqıtyn stýdentter osy jerde praktıkadan ótedi. Keıin olardyń arasynda úzdikterin jumysqa qaldyrý josparymyzda bar. Qazir fabrıkamyz birinshi kezeń boıynsha jumys jasaýda. Byltyrdan beri bir jyl ishinde 120 myń dana ónim shyǵardyq. Ónimderimizdi oblystaǵy iri saýda ortalyqtary, atap aıtsaq, "Fıesta", "Brend Mafııa" sııaqty kıim dúkenderi satyp alyp jatyr. Sondaı-aq Atyraýdan, Kentaýdan, Aqtaýdan, Nur-Sultannan tapsyrys beretinder de bar. Jalpy otandyq ónimge suranys joǵary. Sebebi sapasy jaqsy, al baǵasy arzan, Qajetti qurylǵylardy Germanııa men Ońtústik Koreıadan, al shıkizatty Túrkııa men Ózbekstannan tasymaldap jatyrmyz, — deıdi ol.
Fabrıkada tigilgen ónimderdiń barlyǵy sapaly. Sebebi Ózbekstannan ákelinetin shıkizat quramynda (trıkotaj) sıntetıka joq. Al baǵasy ózge elderden ákelinetin ónimderden eki esege arzan. Sondyqtan da búgingi kúni jergilikti kásipkerler tigin fabrıkasynyń ónimderine asa qyzyǵýshylyq tanytýda.
— Bıyl kúz aıynan bastap óndiristi keńeıtip, ekinshi kezeńdi bastaımyz. Jyl sońyna deıin munda taǵy 90 adamdy jumysqa qabyldap, óndiris qýatyn arttyrýdy josparlap otyrmyz. Jýyrda Germanııa, Italııa jáne Qytaıdan fabrıkaǵa qajetti qural-jabdyqtar keledi. Olardyń jalpy quny — 250 myń dollar shamasynda. Jańa qurylǵylar iske qosylǵan soń fabrıkamyz jylyna eń keminde 240 myń dana ónim shyǵaratyn bolady. Máselen, sońǵy úlgidegi avtomatty túrde arnaıy baǵdarlamaǵa engizilgen ónerkásiptik prınter (plotter) tiginshilerdiń jumysyn jeńildetedi. Qurylǵy syzbaúlgilerdi ózdiginen mata ústine qoıyp, syzyp, piship beretin bolady. Osylaısha qazirgi jumysymyz eki esege azaıyp, esesine ónim sany artady. Sondaı-aq kúzden bastap er jáne áıelderge arnalǵan kúrteshe, pla, jelbegeı, sholaq jeńdi kıimder tigýdi bastaımyz. Ol úshin shıkizatty Túrkııadan ákelýdi josparlap otyrmyz, — deıdi Sabyrjan Balmurzıev.
"A-Textile" JShS qazirgi eh ǵımaratyn jalǵa alyp otyr. Aldaǵy ýaqytta óndiris ornynyń qýaty artsa, fabrıkaǵa budan da úlken ǵımarat kerek. Seriktestik basshylyǵy memleket tarapynan jer berilse degen tilegin aıtty.
— Bizdiń maqsat — óndirisimizdi jyldan jylǵa damytyp, ishki naryqty tolyqtyryp baryp, aqtóbelik brend úlgisindegi daıyn ónimderdi alys-jaqyn shetelderge satý, jarnamalaý. Máselen, Qyrǵyzstan sııaqty biz de nege otandyq ónimderimizdi ózge elderge eksporttamasqa? Bul jerde bir ǵana másele bar. Ol — shıkizat máselesi. Qazir biz daıyn shıkizatty Ózbekstannan ákelip otyrmyz. Respýblıkamyzda mata, jip óndiretin kásiporyndar joqtyń qasy, — deıdi S.Balmurzıev.
Al fabrıkanyń óndiris ehynyń jetekshisi Svetlana Aıbatovanyń aıtýynsha, qazirgi otandyq ónimder shetelden kelgen ónimderden áldeqaıda arzan, ári sapaly.
— Bizdiń qazirgi balalarǵa tigip jatqan kıimderimizdiń barlyǵy — maqtadan tigilgen ónimder. Quramynda 5-7 paıyz ǵana sıntetıka bar. Baǵasy ózge elderden keletin ónimderden eki esege arzan. Máselen, jurt maqtaıtyn túrkııalyq ónimderdiń sapasy bizben birdeı. Kópshilik olardy brend bolǵany úshin tańdaıdy. Aldaǵy ýaqytta biz de óndirisimizde zaman talabyna saı brend úlgisin qalyptastyrsaq, halyq esh oılanbastan satyp alatyn bolady, — deıdi ol.
Búginde fabrıka jumysshylarynyń ortasha jalaqysy — 100 myń teńge. Munda tájirıbeli mamandar da, jastar da bar. Olar Aqtóbeniń brendin qalyptastyrý jolynda qazir úzdiksiz eńbek etýde.
Danagúl BAIMUQASh,
"Adyrna" ulttyq portaly.
