Almaty oblysynda aǵymdaǵy jyldyń 25 shildesinde tikeleı saılaý arqyly 71 aýyldyq okrýgte ákimder saılanady.
Saılaý proesin baıqaý úshin «Beıpartııalyq baqylaý ortalyǵy» respýblıkalyq qoǵamdyq birlestiginiń Almaty oblystyq fılıaly ashyldy.
2021 jyldyń 21 shildesinde «Beıpartııalyq baqylaý ortalyǵynyń» Almaty oblysy boıynsha ókilderi Tólemisova J.E. men Dúkenbaev E.M. Kóksý aýdany, Jarlyózek aýylyndaǵy 3 saılaý ýchaskesinde boldy. Jumys barysynda saılaý ýchaskelerimen tanysyp, sondaı-aq saılaý komıssııalarynyń tóraǵalarymen ózara is-qımyl máseleleri talqylandy.
Jarlyózek aýyldyq okrýgi boıynsha saılaýǵa 1477 adam qatysady, onyń ishinde №668 saılaý ýchaskesi boıynsha - 666 saılaýshy, №669 ýchaskesinde - 475 saılaýshy, № 670 ýchaskesinde - 376 saılaýshy, barlyǵy 3 kandıdat tirkelgen.
Sapar barysynda saılaý ýchaskeleri saılaý proesine tolyqtaı daıyn: tıisti aqparattyq stendter, baqylaýshylarǵa, ÝSK múshelerine arnalǵan jumys oryndary, daýys berýge arnalǵan kabınalar, pandýstar jáne múmkindigi shekteýli jandarǵa arnalǵan daýys berý oryndary bar.
