Temırtauda 12 jastaǧy bala köşedegı töbeles kezınde köz jūmǧan dep habarlaidy "Adyrna" ūlttyq portaly "Tengrinews.kz-ke" sılteme jasap.
Ol töbelesıp jatqan dostaryn ajyratpaq bolǧan, sol sätte bır bala onyŋ basynan ūrǧan, oqiǧa bolǧan jerde ol esınen tanyp qalǧan. Jelıde atalǧan töbelestıŋ videosy jariialandy.
«Vega audanynda töbeles saldarynan bala qaitys boldy. Ol töbelespegen, tek ajyratqysy kelgen. Tobymyz balanyŋ jaqyndary men tuystaryna köŋıl aitady», - delıngen videojazba habarlamasynda.
Polisiia qyzmetınıŋ aituynşa, 24 şıldede Starogorod polisiia bölımşesınıŋ kezekşı bölımıne Temırtau qalalyq balalar auruhanasynda qalanyŋ 12 jastaǧy tūrǧyny qaitys bolǧany turaly habarlama tüsken. Jäbırlenuşı aulada 13 jastaǧy balamen janjaldasqan. Töbeleske ūlasqan janjal kezınde onyŋ basyna soqqy jasalǧan.«Derek QR Qylmystyq kodeksınıŋ 104-baby («Abaisyzda qazaǧa ūşyratu») boiynşa tırkeldı. Tiıstı saraptamalar taǧaiyndaldy, sot-tergeu amaldary jürıp jatyr», - dedı Qaraǧandy oblysy Tergeu basqarmasynyŋ bastyǧy Rustam Külkeev.
"Adyrna" ūlttyq portaly.
