Aqtöbe oblysynyŋ Hromtau qalasynda qorǧanys ısterı jönındegı departamentınıŋ janynan zamanaui talaptarǧa sai salynyp jatqan äskerge şaqyru punktınıŋ ǧimaraty aiaqtaluǧa jaqyn. Būl – el täuelsızdıgınıŋ 30 jyldyǧyna orai salynyp jatqan elımızdegı qorǧanys salasyndaǧy ırı jobalardyŋ bırı.
Atalǧan ǧimarat biyl tamyz aiynyŋ aiaǧynda, iaǧni Qazaqstan Respublikasy Konstitusiiasy künıne orai aşylmaq.
— Äskeri-patriottyq, ügıt-nasihat jūmystardyŋ belsendı jürgızıluı äskerge şaqyryluşy azamattardyŋ öz Otanyn qorǧauǧa degen jauapkerşılıgıne äser etetın maŋyzdy faktorlardyŋ bırı. Sondyqtan arnaiy osyndai aqparattyq bölme arnaudy jön kördık,– deidı Aqtöbe oblysy Hromtau audanynyŋ qorǧanys ısterı jönındegı bölım bastyǧy podpolkovnik Ruslan Baltemırov.
Aqtöbe oblystyq qorǧanys ısterı jönındegı departamentınıŋ bastyǧy podpolkovnik Ädılet Otarbaevtyŋ aituynşa, Hromtau qalasynda salynyp otyrǧan äskerge şaqyru punktı — soŋǧy ülgıdegı talaptarǧa sai salynyp otyrǧan ǧimarattardyŋ alǧaşqysy. Kelesı kezekte josparda Şalqar audandyq qorǧany ısterı jönındegı departamentınıŋ jaŋa ǧimaraty bar. Būl qūrylystyŋ da jobalyq-smetalyq qūjattary daiyn tūr.Ǧimaratta äskerge şaqyryluşylardy medisinalyq tekserısten ötkızuge arnalǧan arnaiy därıgerlık komissiia jūmysy üşın barlyq jaǧdailar qarastyrylǧan. Sonymen qatar, onyŋ ışınde äskeri-patriottyq bölmesı de bolady. Mūnda öŋırde äskeri boryşyn atqarǧan azamattarymyz turaly, qai äsker türlerı men tekterınde qyzmet atqarǧany, olardyŋ äskerdegı jetıstıkterı turaly da maǧlūmattar saqtalady, aqparattar berıletın bolady.
— Äskeri-patriottyq, ügıt-nasihat jūmystardyŋ belsendı jürgızıluı äskerge şaqyryluşy azamattardyŋ öz Otanyn qorǧauǧa degen jauapkerşılıgıne äser etetın maŋyzdy faktorlardyŋ bırı. Sondyqtan arnaiy osyndai aqparattyq bölme arnaudy jön kördık,– deidı Aqtöbe oblysy Hromtau audanynyŋ qorǧanys ısterı jönındegı bölım bastyǧy podpolkovnik Ruslan Baltemırov.
Onyŋ aituynşa, Hromtau audanynan jyl saiyn 150-ge juyq azamat äskeri mındetın atqaruǧa attanady. Aqtöbe oblysynyŋ Hromtau qalasy öndırıs orny ornalasqan bolaşaǧy mol qala ekenın eskersek, keleşekte būl körsetkış būdan da artatyny anyq.Aita ketu kerek, bügınde Qaruly Küşterdı kelısım şartty äskeri qyzmetke şaqyryluşylarmen qamtamasyz etu, Qaruly Küşterdıŋ rezervın qūru jūmyldyru jūmystary da osy qorǧanys ısterı departamentterı arqyly jyl boiy üzdıksız jürgızılıp otyrady. Sondyqtan äskerge şaqyru puktınıŋ jaŋa ǧimaratynyŋ salynuy kün tärtıbındegı kezek küttırmes maŋyzdy mäsele bolyp tabylady. Biylǧy jyly äskerge şaqyryluşylar qataryna Aqtöbe qalasynan jäne oblys audandarynan 3 myŋnan astam azamat tırkelgen. Äskerge şaqyru nauqany köktem jäne küz mezgılderınde ötkızıletını belgılı. Jyl saiyn oblystan 2 myŋǧa juyq sarbaz Ūlttyq qauıpsızdık komitetıne, şekara qyzmetıne jäne Ūlttyq ūlanǧa äskeri boryşyn öteuge attanady. Kelısımşart boiynşa elımızde 30 jasqa deiın äskeri qyzmetke, 32 jasqa deiın ofiserlık nemese aǧa serjant lauazymdaryna taǧaiyndaluǧa mümkındık berılgen.
"Adyrna" ūlttyq portaly.
