Täŋırden berılgen tättı syidyŋ qazaq aspanynda qalyqtap, şuaqty künınıŋ arailap atqanyna 30 jyl toldy. El üşın aituly jyldy ūlyqtau, aşy termen kelgen tättı jeŋıstıŋ salmaǧyn baǧamdau, Täuelsızdıktıŋ 30 jyldyǧyn merekeleu barysynda öskeleŋ ūrpaqtyŋ sanasyna sıŋdırılmek. Bügıngı künı, qasiettı täuelsızdıktı merekeleu boiynşa jospardyŋ jüzege asqanyna jarty jyldyŋ jüzı boldy.
Jyl basynda aimaq basşysy Amandyq Batalov jäne oblys äkımınıŋ bırınşı orynbasary Lazzat Turlaşovtyŋ töralyǧymen mereitoiǧa daiyndalu jäne ony ötkızu jönındegı ūiymdastyru komissiiasynyŋ otyrystary ötkızılıp, basqarma basşylary audandyq, kalalyq äkımderıne naqty tapsyrmalar berılgen.
Media jospardaǧy jūmystar üş negızgı baǧyttan tūrady. Olar: ūiymdastyru-daiyndyq, aqparattyq-imidjdık jūmys jäne 12 taqyryptyq baǧyt boiynşa merekelık ıs-şaralardyŋ oqiǧalar qatary. (slaid)
Oblys kölemınde täuelsızdıktı toilau ıs-şaralar jospary äuelde 253 tarmaqtan tūrsa, qazır 282 tarmaqty qūraidy. Atap aitu kerek, barlyq ūsynylǧan şaralar eldegı sanitarlyq jaǧdaiǧa beiımdelıp, ötılude.
«Bügıngı künge deiın 803 ıs-şara oryndaldy. Onyŋ ışınde halyqaralyq deŋgeide -2, respublikalyq deŋgeide-9, oblystyq deŋgeide-77, audan, qalalyq deŋgeide-636 şara. Epidemiologiialyq jaǧdaiǧa bailanysty 8 ıs-şara aǧymdaǧy jyldyŋ ekınşı jartyjyldyǧyna auystyryldy»,-deidı Almaty oblysy ışkı saiasat basqarmasynyŋ basşysy Rahmet Esdäuletov.Biylǧy jyldyŋ basty toiynda, jyl basynan Jetısu ölkesınde äleumettık maŋyzy bar orai 26 nysan esıgın aiqara aşty. Rahmet Razbekūlynyŋ aituynşa, Köksu, Raiymbek audandarynda DŞSK, Qarasai audany men Taldyqorǧan qalasynda jylyjai keşenı-därıgerlık ambulatoriialar aşylyp, Panfilov, Jambyl audandarynda tutūǧyr ornatylǧan. Sonymen qatar, oblystaǧy polisiia qyzmetkerlerıne 55 jaŋa päterdıŋ kıltı tapsyrylǧan.
Öŋırde Qazaqstan Respublikasy Täuelsızdıgınıŋ 30 jyldyq mereitoiy aiasynda "erıktıler jylynyŋ" jalǧasy retınde "igı ıster marafony"jalpyūlttyq jobasy ıske asyrylyp jatqandyǧyn atap ötken jön. "Memleket basşysy aiqyndaǧan volonterlıktıŋ 7 baǧyty jäne "igı ıster marafony " aiasynda oblysta 1216 aksiia ötkızıldı. 75 mūqtaj otbasy tūrǧyn üi aldy, 9 myŋ otbasy 170 mln.teŋgege azyq– tülık sebetın aldy", - dedı oblystyq jastar saiasaty mäselelerı basqarmasynyŋ basşysy Eldar Saparov.Atalmyş şaralar tızbegı jalǧasyn taba bermek, Mäselen, ekınşı jartyjyldyqtyŋ oqiǧalar kestesınde belgılengen merzımderge säikes 900 ıs -şaralary jüzege asyrylatyn bolady. Sonymen qatar, ekınşı jartyjyldyqta Qazaqstan Respublikasy Täuelsızdıgınıŋ 30 jyldyǧyna orai josparlanǧan 40 nysannyŋ aşylu saltanattary josparlanuda. Atap aitsaq, Alaköl, Panfilov audandarynda dene şynyqtyru keşenı, sport alaŋdary, M.Maqataevtyŋ eskertkışı, Jambyl, Eskeldı, Kerbūlaq audandarynda saiabaqtardyŋ aşyluy jetısulyqtardyŋ qoinyn quanyşqa toltyrmaq. Būnyŋ barlyǧy Täuelsızdıktıŋ jemısı, qazaqtyŋ jeŋısı.
