Qazaq elı qalyptastyrǧan ūlttyq bırlıktıŋ önegelı ülgısı jyl jyljyp, uaqyt syny nysanalasa da qūnyn qūldyratqan joq.
Babanyŋ amanatyndai arqalaǧan bırlıktıŋ tüp-tamyry täuelsızdık tūsynda Assambleia bolyp bür atyp, qoǧamdyq kelısım bolyp güldedı. Azat bolǧan şirek ǧasyrda Qazaqstan taǧdyrly, talaily şeşımder şyǧaryp ırgenı ılkımdı ıstermen bekıttı.
Bırlıktı bekemdep, täuelsızdıktı nyǧaituǧa baǧyttalǧan oŋ qadamdardyŋ ūly bastamasy 1995 jyly negızı qalanǧan - Qazaqstan halqy Assambleiasy. Ötkenge tarihi şegınıs jasasaqqazaqtyŋ darhan dalasy saiasi qysym körıp jer auǧan san halyqty bauyryna basyp, jergılıktı aimaqqa beiımdeluı üşın baryn saldy. Osy önege egemen bolǧan kezeŋde kemeldene tüskenı älemge aian.
Assambleianyŋ arqalaǧan jügı men mejelegen missiiasy turaly Elbasy Nūrsūltan Äbışūly Nazarbaev ordaly organnyŋ I sessiiasynda bylaişa tolǧady:
«...Assambleia qazır Qazaqstanda tūratyn barlyq halyqtarǧa bızdıŋ bırlıgımızdıŋ tüp-tamyryn jaqsyraq tüsınuıne kömektesıp, kez kelgen tarihi kınä artularǧa jol bermeuge tiıs. Öitkenı ötkenge köz sala otyryp bolaşaqty köre bılgen jön».
Tūŋǧyş Prezidenttıŋ naq osy sözderıAssambleia men qoǧamdyq kelısım mekemelerınıŋ negızgı funksiiasyn aŋǧartty. Etnosaralyq yntymaqtastyqtyŋ alauy sönbeuıne iek artqan Elbasy jyl saiynǧy Joldaularynda da bırlıktıŋ tūraqty formulasyn ūsynyp keledı.
«Tatulyq + tüsınıstık = tūǧyrly Täuelsızdık» örnegın qūraityn jalpyūlttyq yntymaqtastyqtyŋ rölın Elbasy Ündeu, arnaiy maqalalary arqyly da üzdıksız şegendep keledı.
Beibıtşılıktıŋ qazaqstandyq modelı qalyptasuyndaǧy syndarly saiasat inkliuzivtı beinege balanyp, tırşılıktıŋ san salasyn qamtyp qaryştauynyŋ arǧy jaǧynda Nūrsūltan Nazarbaevtyŋ saiasi köregendıgı men qyranǧa tän erık-jıgerı körınıs tabady.
Qazaqstandy150-den asa ūlys ökılderı ortaq Otan etken. Aituǧa oŋai bolǧanmen 150 –den asa etnos – 150 tarih, 150 mädeniet, 150 tıl ekenı aidan anyq. Osynşa erekşelıkterge qaramai barlyq etnostyŋ bır tu astynda bırıgıp, aqqau şortan häm şaian halıne tüspeuı qazaqstandyq saiasattyŋ ūltaralyq kelısımge qol jetkızgendıgınıŋ jarqyn nyşany.
Kelısım kezeŋınde qabyldanǧan Konstitusiia da qazaqstandyqtardyŋ türlı erekşelıkterıne qaramai, saiasi, äleumettık, ekonomikalyq, azamattyq statatustary men qūqyǧynyŋ teŋ ekenın ylǧi alǧa tartyp keledı. Memlekettı qūrauşy basym halyqpen bır deŋgeide barlyq etnos ökılderı ortaq tarihi Otannyŋ damuy jolynda küş bırıktırıp, qyzmet etu baǧytynda ekenıne köz kuä.Inju ÖMIRZAQ,
”Adyrna” ūlttyq portaly
