"Qazaq Titan" atymen tanymal 24 jastaǵy Almat Jumanov ushaq súırep, Qazaqstannyń rekordtar kitabyna enýge tyrysty dep habarlaıdy "Adyrna" ulttyq portaly "Astana" telearnasyna silteme jasap.
Telearna málimetinshe, áýe kemesiniń jalpy salmaǵy — 16 tonna. Bıiktigi — 8,4 metr. Jumanov bul bastamasyn Táýelsizdik 30 jyldyǵy men Tokıo Olımpıadasynyń qatysýshylaryna arnaǵan.
Degenmen sportshynyń sózinshe, bul belesti baǵyndyrýǵa kóp ýaqyt jumsamaǵan. Mundaı batyl sheshimdi osydan 2 aı buryn qabyldaǵan.
Almat mundaı sportpen 10 jasynan bastap aınalysqan. Buǵan deıin naýryzda 100 tonnalyq vagondy 8 jarym metrge deıin súırep, Qazaqstan Gınnester kitabyna engen bolatyn. Munymen toqtamaı, arqasyna 300 kelilik túıe salyp, úsh kólikti súırep, erekshe adamdardyń qataryna ekinshi ret engen. Biraq bul jolǵy nátıje rekordtar kitabyna enýge jetkiliksiz boldy.
"Bizde eshqandaı retteý, ólsheý degen bolǵan joq. Tehnıkalyq aqaýlar boldy rekordty tolyq jasaýǵa dep oılaımyn. Biraq ta bul birinshiden rekord emes. Ekinshiden, muny tirkemeımiz", - dedi Qazaqstan rekordtar kitabynyń resmı ókili Qýandyq Qudaıbergenov.
Almat Jumanovtyń bul joly ushaqty 30 santımetrge súıregen. Jalpy, buǵan deıin 16 tonnalyq ushaqty 30 metrge tarqan reseılik atlet bolǵan eken. Ol aldaǵy aıda 65 tonnalyq áýe kemesin súıreýge ótinish beripti.
"Sońǵysyna kúshim jetpeı qaldy. Jańaǵy 1-2 múmkindikpen kúshim ketip qaldy. Tartqanymnyń ózi men úshin rezýltat. Óıtkeni, mundaıdy tartý ońaı emes", - dedi A.Jumanov.
"Adyrna" ulttyq portaly.
