Taldyqorǧan qalasy probasiia qyzmetınıŋ esebınde tūrǧan üş sottalǧan konkurstyq negızde bır million teŋge kölemınde grantqa ie bolyp, öz biznesterın aşty, dep habarlaidy «Adyrna» tılşısı Polisia.kz-ke sılteme jasap.
Almaty oblysy boiynşa QAJD qarasty Taldyqorǧan qalalyq probasiia qyzmetı bölımı, Almaty oblysynyŋ prokuraturasy jäne “Taldyqorǧan öŋırlık jūmyspen qamtuǧa järdemdesu qory” qoǧamdyq qorymen bırlesıp, “Almaty oblysy äkımdıgınıŋ ışkı saiasat basqarmasy” MM qoldauymen probasiia qyzmetınde esepte tūrǧan sottalǧandar qatarynan äleumettık käsıpkerlık salasynda öz ısın ıske asyru üşın bır million teŋge mölşerınde grant beru maqsatynda “Ekınşı mümkındık” jobasyn ıske asyrdy. Būl jobaǧa Taldyqorǧan probasiia qyzmetınıŋ esebınde tūrǧan sottalǧan adamdar jäne qamau oryndarynan bosatylǧan adamdar qatysty.
Ūiymdastyruşylar “Öz äleumettık biznesıŋdı basta” atty oqytu seminaryn ötkızdı. Oqytu är türlı ıs-şaralardy ūiymdastyru ädısımen öttı. Oqu seminary aiaqtalǧannan keiın finalǧa şyqqandar özderınıŋ biznes-jobalarynyŋ prezentasiialaryn qorǧady.
Baiqau komissiiasynyŋ şeşımı boiynşa, Taldyqorǧan qalasyndaǧy probasiia qyzmetınıŋ üş sottaluşysy ärqaisysyna 1 mln. teŋge kölemınde grant berıldı. Granttar septikterdı tazalau, svarkalyq jūmystaryn jäne şaştaraz qyzmetterın qajet jabdyqtardy satyp alu üşın paidalanylatyn bolady.
– Taldyqorǧan qalasynyŋ probasiia qyzmetınıŋ jäne jalpy Almaty oblysy boiynşa QAJD qyzmetkerlerıne bız üşın osyndai qiyn uaqytta öz biznesın aşuǧa mümkındık bergenı üşın alǧysymdy bıldıremın. Maǧan şaştaraz aşu üşın jabdyq satyp aluǧa kömektestı, men sūlulyq salonyn aştym. Maǧan sengenıŋız üşın köp rahmet. Ärine, jeŋu oŋai bolǧan joq. Men öz ısımdı aşqanyma quanyştymyn, – deidı grant iegerlerınıŋ bırı.Almaty oblysynda Probasiia qyzmetınıŋ esebınde tūrǧan adamdarǧa memleketten öteusız granttar beru jyl saiynǧy dästürge ainaldy.
– Esterıŋızge sala keteiık, osy jobanyŋ arqasynda ekı sottaluşy şinomontaj jäne plastikalyq terezeler men esıkter jasau boiynşa öz biznesın sättı damytuda, – dep atap öttı Almaty oblysy boiynşa QAJD bastyǧynyŋ orynbasary Jänıbek Qosjanov.
«Adyrna» ūlttyq portaly
